پشاور (جیوڈیسک) وزیر بلدیات خیبر پختونخوا عنایت اللہ خان نے کہاہے کہ سیاسی و جمہوری استحکام کے لیے صوبے میں بروقت بلدیاتی انتخابات کرائے جائیں گے۔پشاور میں مختلف وفود سے گفت گو میں صوبائی وزیر نے کہا کہ بلدیاتی انتخابات جمہوریت کی بقا کے لیے ناگزیر ہیں۔
خیبر پختونخوا حکومت حلیف جماعتوں کے تعاون سے اختیارات کی تقسیم، انتظامیہ کے باوقار مقام اور عوام کی دہلیز پر خدمت و انصاف کا انقلابی بلدیاتی نظام لائے گی۔ انھوں نے مزید کہا کہ حکومتوں کے لیے بلدیاتی نظام بھی سیاسی جماعتوں کی بنیاد پر تشکیل دینا ضروری ہے تاکہ مقامی سطح پر خدمت کا نظام سیاسی تربیت کا نظام بنے۔ انہوں نے کہا کہ بلدیاتی انتخابات سے جمہوریت مضبوط اور عوام بااختیار ہو جائے گی۔
مہنگا پٹرول خرید کر اسے سستا فراہم کرنے کا کوئی فارمولا نہیں، پرویز رشید
لاہور : شہری کا احتجاج، ہائی ٹینشن ٹاور پر چڑھ گیا، کئی گھنٹے بعد اتار لیا گیا
