اسلام آباد (جیوڈیسک) امیر جماعت اسلامی پاکستان سراج الحق کا کہنا ہے کہ ملک سے صرف آپریشن سے مسائل حل نہیں ہوں گے بلکہ اس کے لئے متبادل سیاسی نظام بھی ہونا چاہیے۔
گفتگو کرتے ہوئے امیرجماعت اسلامی پاکستان سراج الحق کا کہنا تھا کہ فوج نے کورکمانڈرز کانفرنس میں کارکردگی کی بات کی جو ٹھیک ہے لیکن ملک میں محض صرف آپریشن سے مسائل حل نہیں ہوں گے، اس کے لئے متبادل سیاسی نظام ہونا چاہیے۔ فوج اورحکومت کے درمیان فاصلے بڑھے تو نقصان عوا م کا ہوگا، 68 سال کے بعد بھی فاٹا میں انگریز کا نظام رائج ہے۔
سراج الحق کا اسپیکر کے ووٹ دینے کے حوالے سے کہنا تھا کہ تحریک انصاف نے اسپیکر کے لئے ان سے ووٹ ہی نہیں مانگا، اگر وہ مانگتے تو لازمی دیتے، جب کہ ایاز صادق نے خود بھی ووٹ مانگا اور ان کے لوگوں نے بھی رابطے کئے اور یہ بات انہوں نے تحریک انصاف کے امیدوار شفقت محمود کو بھی بتائی تھی۔
بلدیاتی انتخابات کا دوسرا مرحلہ؛ حساس پولنگ اسٹیشنز پر فوج تعینات کرنے کا فیصلہ
پاکستان اور چین بھارت کے گرد گھیرا تنگ کر رہے ہیں، سربراہ بھارتی فضائیہ کا واویلا
