کراچی: سینیٹر نسرین جلیل نے کہا ہے کہ بلدیہ وسطی کے زیر استعمال اسکولوں کی تجدید نو اور تعلیمی سرگرمیوں کی بحالی میں (این جی اوز)ہیریٹج فاؤنڈیش پاکستان کی خدمات قابل تحسین ہے وہ بلدیہ وسطی اور ہیریٹج فاؤنڈیشن پاکستان کے اشتراک سے سر آغا خان اسکول حسین آباد میں منعقدہ تجدید نو (آو مل کر اسکول سنوارے) کے موقع پرخصوصی شجرکاری مہم کے آغاز پر حاضرین سے خطاب کر رہی تھی۔
اس موقع پر چیئرمین بلدیہ وسطی ریحان ہاشمی،وائس چیئرمین سید شاکر علی،ہیرٹیج فاؤنڈیشن کی سی ای او محترمہ یاسمین لاری، ضلع وسطی کے منتخب بلدیاتی نمائندے،ڈائریکٹر اسکول ڈی ایم سی سینٹرل،اساتزہ اور طلبا و طالبات کی بڑی تعداد موجود تھی اس موقع نسرین جلیل نے مزید کہا کہ ہیرٹیج فاؤنڈیشن پاکستان کے عہداران تعلیم کے میدان میں جو خدمات انجام دے رہے ہیں وہ قابل ستائش ہیں ہیریٹج فاؤنڈیشن پاکستان نے غریب طلباء کو تعلیمی اور تربیتی دونوں طرح کی خدمات پیش کی ہے اس موقع پر انہوں نے بلدیہ وسطی کے چیئرمین ریحان ہاشمی،وائس چیئرمین سید شاکر علی اور انکی پوری ٹیم کواہلیان ضلع وسطی کو کلین و گرین ماحول کی فراہمی اور ضلع وسطی کے اسکولوں کو اور تعلیمی معیار کو پرائیویٹ اسکولز کے معیار پر لانے کی کوششوں کو سراہا۔
اس موقع پر چیئرمین بلدیہ وسطی ریحان ہاشمی نے کہا کہ بلدیہ وسطی اسکولوں میں تدریسی عمل اور تعلیمی نظام کو بہتر کرنے کے ساتھ ساتھ عوام کو سرسبز ماحول فراہم کرنے کیلئے تمام دستیاب وسائل کو برؤے کار لایا جارہا ہے جبکہ بلدیہ وسطی کے زیر انتظام چلنے والے اسکولوں میں تعلیمی اور تربیتی سرگرمیوں کو بہتر بنانے کے لئے ہیریٹج فاؤنڈیشن پاکستان کا تعاون حاصل کیا جارہا ہے انہوں نے کہا کہ بلدیہ وسطی کے زیر انتظام چلنے والے اسکول وسائل کی کمی کے باعث تباہ حالی کا شکار ہیں ضرورت اس امر کی ہے کہ این جی اوز آگے آئیں اور بلدیہ کے اسکولوں کی تجدید نو میں اپنا حصہ ڈالیں اس موقع پر ہیریٹج فاؤنڈیشن کی CEO یاسمین لاری نے کہا کہ ہیریٹج فاؤنڈیشن کا نصب العین ملک میں تعلیم عام کرنا اور نامساعد حالات میں رہنے والوں کو معیاری تعلیم مہیا کرنا ہے۔
جبکہ بے ہنر بچوں اور بچیوں کو مختلف ہنر سے آراستہ کرنا ہے اس سلسلے میں انہوں نے سر آغا خان اسکول میں میں خصوصی کیمپ لگایا جہاں انہوں نے تعلیم اور خدمات تعلیم کی وضاحت کی اس موقع پر وائس چیئرمین سید شاکر علی نے کہا کہ نامساعدحالات اور وسائل کی کمی کے باوجود عوام کی خدمت کے کاموں کو بہتر طریقے سے انجام دے رہے ہیں انہوں نے کہا کہ ضلع وسطی کو صاف ستھرا اور صحت مند ماحول فراہم کرنے کے لئے جنگی بنیادوں پر کام کر رہے ہیں تاکہ جلد از جلد عوام کو سر سبز اور شاداب ماحول کے ساتھ ساتھ صاف و شفاف ماحول بھی مہیا کیا جاسکے۔
انہوں نے کہا کہ بلدیہ وسطی اپنے ضلع کو آلودگی سے پاک کرنے کے لئے خصوصی شجرکاری مہم کے ذریعے شہریوں میں اب تک سینکڑوں پودے مفت تقسم کر چکی ہے اس موقع پر اسکول پر پاکستان جو جسٹو فیڈریشن کے ارکان نے جوڈو کے فن کا بھی مظاہرہ کیا بعد ازاں سینیٹر نسرین جلیل،یاسمین لاری،چیئرمین بلدیہ وسطی ریحان ہاشمی،وائس چیئرمین سید شاکر علی،منتخب بلدیاتی نمائندون،اساتذہ اور اسکول کے طلباء و طالبات نے اپنے اپنے نام کے پودے لگا کر بلدیہ وسطی اور ہیریٹج فاؤنڈیشن پاکستان کے اشتراک سے شروع ہونے والی خصوصی شجر کاری مہم کا آغاز کیا۔
دہشت گردی سے متاثرہ علاقوں کے عوام کی بحالی اور فلاح وبہبود کے لیے وانا میں ایک آئی کیمپ
مصطفی آباد/للیانی کی خبریں 12/11/2016
