لاہور (جیوڈیسک) تحریک انصاف کے مرکزی رہنما جمشید اقبال چیمہ نے عمران خان کے استقبال کیلئے زمان پارک میں استقبالیہ کیمپ سے خطاب کرتے ہوئے کہا کہ ثابت ہو گیا کہ مسلم لیگ (ن) کی جماعت گلو بٹوں پر مشتمل ہے لیکن اب ان کے دن گنے جا چکے ہیں۔
انہوں نے کہا کہ اشتعال میں آکر ہم بھی بھرپور جواب دے سکتے تھے لیکن ہم نے صبر کا مظاہرہ کیا کیونکہ ہمارے قائد عمران خان نے ہمیں یہی سبق اور تلقین کی ہے۔ انہوں نے کہا کہ آمروں کے حواری شریف برادران اور ان کے گلو بٹوں کے اقدامات کی وجہ سے ان کے اقتدار کے خاتمے کے دن مزید قریب آ رہے ہیں۔
وفاقی حکومت اور اقتدار میں شامل جماعتیں بحران کی براہ راست ذمہ دار ہیں: لیاقت بلوچ
حکمرانوں کے انجام کا آخری موڑ حیرت انگیز ہو گا۔ حلیم عادل شیخ
