قصور پولیس نے سال رواں کے دوران 2485 مجرمان اشتہاری اور عدالتی مفروران گرفتار مصطفی آباد/للیانی (محمد عمران سلفی سے) قصور پولیس نے سال رواں کے دوران 2485 مجرمان اشتہاری اور عدالتی مفروران گرفتار،47 بین الاضلاعی خطرناک ڈکیت گینگز کے 190 ملزمان کو گرفتار کرکے تقریباًڈیڑھ کروڑ روپے سے زائد مالیت کا مال مسروقہ برآمد،30 ٹا پ ٹین،4ٹاپ ٹونٹی اور بلیک بک ہیڈ منی کا خطرناک مجرم اشتہاری ڈاکٹر طاہر اسلام بھی شامل، ان خیالات کا اظہار ڈی پی او قصور جواد قمر نے للیانی پریس کلب کے وفد سے خصوصی گفتگو کرتے ہوئے کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفد میں صدر پریس کلب للیانی محمد عمران سلفی، شاہد عمر، اصغر علی شہزاد، زبیر احمد بھٹی،سعید احمد بھٹی، الیاس ملک و دیگر صحافی شامل تھے، ڈسٹرکٹ پولیس آفیسر قصور جواد قمر نے کہا کہ قصور پو لیس نے سال رواں کے دوران اپنی بہترین حکمت عملی کے تحت جرائم پیشہ افراد کے خلاف کاروائی کرتے ہوئے قتل، اقدا م قتل ،ڈکیتی ، را بری ،را ہزنی،نقب زنی اور دیگر سنگین واردا تو ں میں مطلو ب2485خطرناک مجرما ن اشتہا ری اورعدا لتی مفرورا ن گرفتارکر لئے ہیں جن میں30 ٹا پ ٹین،4ٹاپ ٹونٹی اور بلیک بک ہیڈ منی کا خطرناک مجرم اشتہاری ڈاکٹر طاہر اسلام بھی شامل ہیں۔جبکہ47 بین الاضلاعی خطرناک ڈکیت گینگز کے190ملزمان کو گرفتار کرکے تقریباًڈیڑھ کروڑ روپے سے زائد مالیت کا مال مسروقہ برآمد کرلیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او قصورجواد قمر نے تفصیلات بتاتے ہو ئے کہا کہ انسپکٹر جنرل آف پنجاب پولیس کی خصو صی ہدایات پر سماج دشمن عناصر کے خلاف کاروائی کرتے ہوئے قصور پو لیس نے سنگین وارداتوں میں مطلوب1853مجرمان اشتہاری اور632عدالتی مفروران کو گرفتار کر لیا ہے ۔جن میں30ٹاپ ٹین خطرناک اشتہاری،4ٹاپ ٹونٹی مجرمان اشتہاری صاحب عرف صاحبی ،امانت عرف مانی،ناصر عرف ناصری،ساجد عرف ساجی ، رمضان عرف جانی وغیرہ بھی شامل ہیںجبکہ بلیک بک میں سر کی قیمت والا خطرناک مجرم اشتہاری ڈاکٹر عبدالسلام بھی شامل ہے۔اسی طرح سال روں کے دوران 47 بین الاضلاعی خطرناک ڈکیت گینگز کے190ملزمان کو گرفتار کرکے ملزمان کے قبضہ سے تقریباً ڈیڑھ کروڑ روپے سے زائد مالیت کا مال مسروقہ اورجدید ناجائز اسلحہ برآمد کرلیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسی طر ح منشیات فروشوں کے خلا ف کا رو ائی کر تے ہو ئے ان کے خلا ف626مقدما ت در ج کر کے ان کے قبضہ سے ہیروئن19 کلوگرا م،چرس ساڑھے 4من، افیون 35 کلوگرام ،شراب8000لیٹر،لاہن 1820لیٹر اور29چالو بھٹیاں بر آمد لی ہیں۔اسی طرح ناجائز اسلحہ رکھنے والوں کے خلاف کا روائی کرتے ہوئے ان کے خلاف 665 مقدمات درج کر کے461پسٹل ،102بندوق ،37رائفل،11کلاشنکوف ،19کاربین،26ریوالور،52میگزین اور کثیر تعداد میں گولیاں برآمد کرلی ہیں۔ڈی پی اوقصور نے مزید کہا کہ اسی عرصہ کے دوران ضلع بھر میں 13 انتہا ئی خطرناک ہارڈ کریمینل ڈاکو اور مجرمان اشتہاری اپنے انجام کو پہنچے ۔جرائم پیشہ افراد سے نمٹنے کی بہتر حکمت عملی کی وجہ سے کچھ تو ضلع قصور کوچھوڑ چکے ہیںاور بعض نے اپنی سرگرمیوں کو فی الحال ترک کر دیا ہے جس کی وجہ سے جرائم کے گراف میں واضح کمی دیکھنے کو مل رہی ہے۔ انہوںنے کہاکہ خطرناک اشتہاریوں کی گرفتاری کویقینی بنانے کے ساتھ ساتھ مشتبہ افرادکی سرگرمیوں پرکڑی نظررکھی جارہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار)تیز رفتار کار کی موٹر سائیکل کو ٹکر، چھ سالہ بچہ موقع پر جاں بحق ، کار سوار موقع سے فرار، تفصیلات کے مطابق فیروز پور روڈ پر تیز رفتار نے موٹر سائیکل سوار کو ٹکر مار دی جس کے نتیجہ میں چھ سالہ بچہ عمانوئیل موقع پر ہی جاں بحق ہو گیا، جبکہ نا معلوم ڈارئیور کارسمیت موقع سے فرار ہو گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار)چار نا معلوم ڈاکوقاسم علی سے موٹر سائیکل نقدی و موبائل فون چھین کر فرار، تفصیلات کے مطابق قاسم علی اپنے موٹر سائیکل CD70پررات کے وقت اپنے کھیتوں کی طرف جا رہا تھا کہ چار نا معلوم ڈاکوئوں نے اسلحہ کے زور پر موٹر سائیکل نقدی و موبائل فون چھین کر رسی سے بھاندھ کر حویلی میں پھینک دیا اور موقع سے فرار ہو گئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار)رورل ہیلتھ سنٹرمصطفی آباد میں ڈینٹل مشین عرصہ دوسال سے خراب، عوام کو شدید مشکلات کا سامنا، فوری نوٹس لینے کا مطالبہ، تفصیلات کے مطابق رورل ہیلتھ سنٹر مصطفی آباد میں ڈینٹل مشین عرصہ دو سال سے خراب ہونے کی وجہ سے مصطفی آباد اور اس کے نواحی دیہات سے آنے والے مریضوں کو شدید مشکلات کا سامنا کرنا پڑتا ہے، اہل علاقہ کی بڑی تعداد نے وزیر اعلی پنجاب و ڈی سی او قصور سے فوری نوٹس لیتے ہوئے مشین کو درست کروانے کا مطالبہ کیا ہے۔
الطاف حسین کی ہدایت پر عوام کو بنیادی سہولیات اُن کی دہلیز تک پہنچائیں گے۔ نشاط ضیاء قادری
حق پرست رکن اسمبلی سندھ شیراز وحید، ڈہٹی کمشنر کورنگی زبیر احمد چنا کے ہمراہ شہدا کے لواحقین میں چیک تقسیم کر رہے ہیں
