نیویارک (جیوڈیسک) ہالی وڈ میں آجکل ایک پُر اسراقاتل کے چرچے زوروں پر ہیں، اسی سلسلے میں نئی ہارر فلم اسٹیج فرائیٹ’Stage Fright’ کا رونگھٹے کھڑے کر دینے والا سنسنی خیز ٹریلر ریلیز کر دیا گیا ہے۔
ہدایت کار جیروم سیبل کی اس فلم میں مرکزی کردار میٹ لوف اور منی ڈریورنبھا رہے ہیں جن کے علاوہ فلم کی دیگر کاسٹ میں ایلی میکڈونلڈ، ڈوگلس اسمتھ اورکینٹ نولن شامل ہیں۔ میگینٹ اسٹوڈیوز کے تحت بننے والی اس فلم کی کہانی انسانی خون کے پیاسے ایک ایسے پُر اسرار قاتل کے گِر د گھوم رہی ہے جو ایک قدیم اوپیراتھیٹر میں پرفارم کرنے والے فن کاروں کو خوفناک انداز میں قتل کر رہا ہے لیکن پولیس کوئی بھی سراغ لگانے میں ناکام رہتی ہے۔
دل دہلا دینے والے واقعات کی عکاسی کرتی اس سنسنی خیز میوزیکل فلم کو دیکھنا ہے تو دِلوں کو تھام کر دیکھئے گا جو 9 مئی کو سنیما گھروں میں نمائش کیلئے پیش کی جا رہی ہے۔
مادھوری ڈکشت اور جوہی چاولہ کی فلم ‘گلاب گینگ’ کی ریلیز پر پابندی عائد
خوف اور دہشت سے بھر پور فلم “ایفلکٹیڈ “کا ٹریلر جاری
