لاہور (جیوڈیسک) پنجاب کے وزیر قانون رانا ثنا اللہ نے کہا ہے کہ نیب 25 سال پرانے کیسز میں سے کیا نکالنا چاہتا ہے، اگر نیب سرمایہ کاروں کو تفتیش کے لئے بٹھا کر ان کی اور ان کی بہو بیٹیوں کی تصاویریں جاری کرے گا تو کون پاکستان میں سرمایہ کاری کرے گا۔
آصف زرداری کو دس سال جیل میں رکھ کر فیصلہ نہیں ہوسکا تو اب کیا نیب سامنے لائیں گے۔ لاہور میں پنجاب اسمبلی کے باہر میڈیا سے گفتگو میں رانا ثنا اللہ کا کہنا تھا کہ نیب پر کوئی دبائو نہیں ، وزیر اعظم محمد نواز شریف کی بات تجویز تھی جس کو نیب نے اچھے انداز میں لیا ہے۔
نیب جس مرضی منصوبے کی انکوائری کرے مگر اگر سرمایہ کاری کرنے والوں کو 25 سال پرانے ٹرانزیکشنز پر رسوا کیا جائے گا تو ملک میں سرمایہ کاری کون کرے گا۔
رانا ثنا اللہ کا کہنا تھا کہ کوئی 1997 سے اور کوئی 1985 سے احتساب کی بات کر رہا ہے، پرانے جھگڑے چھوڑیں اوراس دور سے احتساب کیا جائے۔ صوبائی وزیر قانون کا کہنا تھا کہ نیب رائیونڈ سڑک کے سولہ سال پرانے کیس سے کیا نکالنا چاہتی ہے۔ نیب کو روکنے کی بات نہیں کر رہے اسے مزید ذمہ دار بنانے کی بات کر رہے ہیں۔
اقبال ٹاؤن لاہور میں فائرنگ سے 2 اہلکار جاں بحق، مقدمہ درج
لاہور ہائیکورٹ کانجی اسکولوں کی سیکیورٹی کا معاملہ ہفتے میں نمٹانے کی ہدایت
