اسلام آباد (جیوڈیسک) اسلام آباد نانگا پربت کی پہاڑیوں پر فائرنگ کر کے غیر ملکی سیاحوں کو قتل کرنیوالے دہشت گردوں کی تلاش میں سیکیورٹی فورسز مسلسل حرکت میں ہیں، پاک فوج، ایف سی پولیس اور دیگر سیکیورٹی اداروں کیا ہلکاروں نے نانگا پربت کے بیس کیمپ کے قریبی علاقوں میں سرچ آپریشن کیا ہے۔
بونر نالہ کے اطراف میں بھی لوگوں سے پوچھ گچھ کی گئی ہے، مقامی لوگوں سے اس واقعے پر معلومات حاصل کی جارہی ہیں جبکہ دہشت گرد کارروائی میں بچ جانے والے سیاح اور گائیڈ سے بھی معلومات حاصل کی جارہی ہیں۔چلاس سے پچاس کلو میٹر دور دیامر میں ہفتے اور اتوار کی درمیانی شب دہشت گردوں نے دو گائیڈز کو اغوا کیا۔
گن پوائنٹ پر ان کی مدد سے سیاحوں تک پہنچ کی مدد حاصل کی ، جس جگہ پر دہشت گرد کاروائی کی گئی وہاں اکتالیس غیر ملکی کوہ پیما نانگا پربت کے مختلف علاقوں میں مہم جوئی کررہے تھے۔ دہشت گردوں نے غیرملکی کوہ پیماوں کے خیموں میں گھس کر فائرنگ گی اور ٹارگٹ کرکے غیر ملکی سیاحوں کو ہلاک کیا۔
اس دہشت گرد کارروائی میں دس غیر ملکی سیاح اور دہشت گردوں کااغوا کیا گیا ایک گائیڈ مارا گیا ، جبکہ دوسرا گائیڈ اور ایک سیاح بچ گئے ، بچ جانے والے سیاح اور گائیڈ سے واقعے پر معلومات حاصل کی جارہی ہیں ،دوسری طرف دہشت گردی کا شکار سیاحوں کی میتیں اسلام آباد پہنچا کر ان کا پوسٹ مارٹم مکمل کرلیا کیا ہے۔
رپورٹ کے مطابق ہلاک ہونے والوں کے سینے، دماغ اور گردن میں گولیاں ماری گئی تھیں،پاکستانی دفتر خارجہ نے اس واقعے پر مذمت کا اظہار کرتے ہو ئے کہا ہے کہ دہشت گرد چین اور دوست ملکوں کے ساتھ پاکستان کے بڑھتے ہوئے تعلقات کو خراب کرنا چاہتے ہیں۔
اکبر بگٹی قتل کیس کی سماعت 15 جولائی تک ملتوی
مشرف کے خلاف غداری کا مقدمہ چلائیں گے : نواز شریف
