لاہور (جیوڈیسک) پاکستان کے صوبہ پنجاب کے علاقے ننکانہ صاحب میں ایک بس کے الٹنے سے دو بچوں سمیت کم سے کم 8 افراد ہلاک ہو گئے۔
ڈان نیوز ٹی وی کے مطابق ننکانہ صاحب کے علاقے منڈی فیض آباد کے قریب لاہور سے جڑانوالہ جانے والی ایک مسافر بس تیز رفتاری کے باعث موٹر سائیکل سے ٹکرا کر الٹ گئی جس سے موٹرسائیکل پر سوار چار افراد ہلاک ہوئے جن میں ایک خاتون اور دو بچے بھی شامل ہیں۔
جبکہ بس کے الٹنے سے اس میں سوار چار افراد ہلاک ہو گئے۔ حادثے کے بعد امدادی ٹیمیں فوری طور پر موقع پر پہنچ گئیں اور لاشوں کو شرق پور کے مقامی ہسپتال منتقل کر دیا گیا۔ پولیس نے بعد میں حادثہ کی جگہ پہنچ کر شواہد جمع کرنا شروع کر دیے۔
ضرب عضب میں غیر ملکی قوتوں سے ہدایات نہیں لے رہے، آئی ایس پی آر
کشمیر، اسلام آباد ، بالائی پنجاب ، خیبر پختونخواہ میں بارش کا امکان
