ممبئی (جیوڈیسک) راک اسٹار اور اسٹوڈنٹ آف دی ائیرکے ذریعے بالی وڈ فلم انڈسٹری میں قدم رکھنے والے دو ستارے پہلی بارکسی فلم میں اکٹھے نظر آئیں گے۔خوبرو اداکارہ نرگس فخری کو فلمساز و ہدایتکار ڈیوڈ دھاون کی نئی فلم “میں تیرا ہیرو” میں بطور ہیروئن کاسٹ کیا گیا ہے۔
جس میں ہیرو کا کردار انکے صاحبزادے نوجوان اداکارورون دھاون ادا کرتے نظر آئینگے۔ بالاجی موشن پکچرز کے بینر تلے بننے والی اس فلم میں نرگس اور ورون کیساتھ ہٹ فلم برفی کی معاون اداکارہ الیانا ڈی کروز بھی اہم کردار ادا کررہی ہیں جسکی شوٹنگ اگلے ماہ سے شروع ہوگی جبکہ یہ ممکنہ طور پر اگلے سال اپریل میں ریلیز کی جائیگی۔
واضح رہے کہ نرگس فخری اپنی پہلی بلاک بسٹر فلم راک اسٹار کے بعد جان ابراہم اور اکشے کیساتھ فلمیں حاصل کرچکی ہیں دوسری جانب ورون بھی اپنی پہلی فلم کی کامیابی کے بعد پروڈیوسرز کی نظروں میں ہیں لہذا اب دیکھنا یہ ہے کہ یہ نئی جوڑی سلور اسکرین پر تہلکہ مچاپاتی ہے یا نہیں۔
رنبیر اور دپیکا کی دوستی کے ہرطرف چرچے
کترینا کیف سلمان خان کے قیمتی مشوروں کی معترف
