قصور (بیورورپورٹ) ڈی پی اوقصور سید علی ناصررضوی نے کہا کہ خلق خدا کی خدمت کر کے نہ صرف لوگوں کی دعاؤں کے مستحق بنیں بلکہ اللہ تعالی کے ہاں بھی سر خرو ہوں ۔شریف شہریوں کی تھانوں اور دفاتر میں عزت و تکریم کی جائے اور شریف شہریوں کو تنگ کرنے والے قانون شکن،جرائم پیشہ افراد اور غندا عناصر کے خلاف بلا تفریق بھرپور قانونی کاروائی کی جائے ان خیالات کا اظہار انہوں نے گزشتہ روز ڈی ایس پی آفس چونیاں کی انسپکشن کے دوران افسران سے خطاب کرتے ہوئے کیا اس موقع پر ڈی ایس پی چونیاں عبدالقدوس بیگ اور سرکل چونیاں کے ایس ایچ اوز و دیگر افسران بھی موجود تھے ڈی پی اوقصور نے ڈی ایس پی چونیاں آفس کا ملاحظہ کیا آفس کا ریکارڈ اور رجسٹر ہائے کو چیک کیا اور ڈی ایس پی چونیاں کو ہدایت کی کہ وہ وقتاً فوقتاًاپنے سرکل کے تھانہ جات کا وزٹ کیا کریں اور پائے جانے نقائص کی نشاندہی کرتے ہوئے ان کو دورکریں ۔ڈی پی اوقصور نے سرکل کے ایس ایچ او ز کو سختی سے ہدایت کی وہ جدید خطوط پر تفتیش کرتے ہوئے تفتیش کے معیار کومزید بہتر بنائیں اور زیر تفتیش مقدمات کو جلد از جلد میرٹ پریکسو کریں تاکہ انصاف کی فراہمی کو یقینی بنایا جا سکے انہوں نے کہا ہر پولیس افسر ایمانداری ،دیانتداری اور خوش اخلاقی کے دائرے میں رہتے ہوئے کارسرکار سرانجام دے گا اور طمع نفسانی کی خاطر تفتیش میں بگاڑ پیدا کرنے والے پولیس افسران کے خلاف سخت محکمانہ کاروائی کی جائے گی ۔ انہوں نے کہا کہ ضلع بھر میں ون ویلنگ کے خلاف شروع کی گئی خصوصی مہم پر سختی سے عملدرآمد کیا جائے گا کیونکہ اپنی اور دوسروں کی جانوں کیلئے خطرہ کا باعث بننے والے ون ویلرز کسی رعایت کے مستحق نہیں ان کے خلا ف سخت قانونی کاروائی کی جائے اور ون ویلنگ کی روک تھام کیلئے ہر چوک اور مین روڈ ز پر جگہ جگہ ناکہ بندی کی جائے۔دریں اثناء ڈی پی اوقصور نے ڈی ایس پی آفس چونیاں کا ریکارڈ بہترین طریقہ سے برقرار رکھنے پر آفس کے عملہ کیلئے تعریفی سرٹیفکیٹ اور نقدی انعام کا بھی اعلان کیا ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ) سپورٹس آفیسر کا نجی شخص سے اکٹھ جوڑ،بھیک مانگنے پرپہلوانوں کی لڑائی ، اکھاڑے اور سپورٹس سرگرمیاں محدود، کشتی کے پلےئرز میں بددلی، درخواستوں پرکاروائی ٹھپ، محمدرفیق پہلوان نے ڈی سی او قصوراور وزیراعلی پنجاب سے انصاف کامطالبہ کردیا،تفصیلات کے مطابق محکمہ سپورٹس آفس قصور کے افسران نے محکمہ کو نجی افراد کی تحویل میں دیدیا، منیر شہید کالونی میں قائم اکھاڑہ پر عباس پہلوان نے ناجائز طور پرقبضہ کررکھاہے نہ تو عباس خود پہلوان ہے اور نہ ہی اسکے شاگرد ہیں مگر پھر بھی پہلوانوں کو ادھرسے باہرنکال دیاگیا ہے ، ایم این اے قصور شیخ وسیم اختر کو گمراہ کرکے عباس پہلوان نے لاکھوں روپے کرپشن کی ہے جبکہ یہاں ہونے والے مقابلوں کے نام پر شہریوں سے بھیک اکٹھی کی جاتی ہے ،اور تاریخ ساز کرپشن جاری ہے محکمہ کاکوئی افسر انہیں پوچھنے والا نہیں ہے ،محمدرفیق پہلوان نے ڈی سی او قصورکو درخواستیں بھی دی ہیں مگر سپورٹس کے افسران نے ہردرخواست ٹھپ کروادی ہے ، الٹا عباس پہلوان دھمکیاں دے رہا ہے ، محمدرفیق پہلوان نے ڈی سی او قصوراور وزیراعلی پنجاب سے انصاف کامطالبہ کیا ہے ،دوسری جانب دھکیاں لگانے پر اب رفیق پہلوان پولیس کے پاس جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دیپال پور روڈ پر مسافر بس کی ٹکر سے دسویں جماعت کا طالب علم جاں بحق ہوگیا،ڈرائیور گاڑی موقع پر چھوڑ کر فرارہوگیا،الہ آباد کے علاقہ اٹاری کرم سنگھ والی کارہائشی دسویں جماعت کا طالب علم محمد فیضان تلونڈی اڈے میں کھڑا تھا کہ اچانک تیز رفتار بس نے ٹکر مارد ی جس کے نتیجے میں سولہ سالہ محمد فیضان بس کی ٹکر سے شدید زخمی ہوگیا اسے طبی امداد کے لئے ہسپتال لے جایا جارہاتھا لیکن زخموں کی تاب نہ لاتے ہوئے وہ راستے میں ہی دم توڑ گیا،ڈرائیور گاڑی موقع پر چھوڑ کر فرار ہوگیا،پولیس نے گاڑی قبضے میں لیکر کارروائی شروع کردی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ) پولیس ہیلپ لائین پرڈکیتی کی جعلی کا چلانے پرملزم کے خلاف مقدمہ درج ،تفصیلات کے مطابق پتوکی ٹیلی نار کی فرنچائز کے ملازم ناصر محمود نے پولیس ہیلپ لائن 15 پر جھوٹی کال کردی اور کہا کہ فرنچائز میں ڈاکو گھس آئے ہیں اور دس لاکھ روپے لوٹ کر فرار ہوگئے ہیں،پولیس نے موقع پر پہنچ کر سی سی ٹی و ی کیمروں میں ریکارڈ چیک کیا تو کوئی واقع رونما ہوا تھا جس پر کال جھوٹی ثابت ہونے پر پولیس نے ملزم کے خلاف مقدمہ درج کرلیا، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)آتش بازی کی فیکٹر ی میں دھماکے سے چھت اڑ گئی،خوش قسمتی سے کوئی جانی نقصان نہیں ہوا،ذرائع کے مطابق نواحی گاؤں حویلی نتھووالی ٰ میں ملزمان بشیر احمد وغیرہ نے آتش بازی کاسامان تیار کرنے کی فیکٹر ی لگا رکھی تھی ،گزشتہ روز فیکٹر ی میں زور دھار دھماکہ ہوا جس سے فیکٹری کی چھت اڑا گئی اورعمارت مکمل طور پر تباہ ہوگئی ،تاہم خوش قسمتی سے کسی قسم کا جانی نقصان نہیں ہوا ،پولیس نے موقع پر پہنچ کر ملزمان کے خلاف کارروائی شروع کردی، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)چوری اورڈکیتی کی متعدد وارداتوں میں شہری نقدی،موبائل فون ،موٹرسائیکل اور دیگر قیمتی سامان سے محروم ہوگئے،تفصیلات کے مطابق لیڈی ڈاکٹر راحیلہ انور حسب معمول ڈیوٹی پر جارہی تھی کہ بھٹی ہسپتال کے قریب موٹرسائیکل سوار ملزمان نے پر س اور موبائل فون چھین لیا اور فرارہوگئے،راجہ جنگ کے گاؤں متی ٰ کا رہائشی بشیر احمد کھیتوں سے گھر جارہاتھا کہ راستے میں ڈاکوؤں نے گن پوائنٹ پر روک کر چار ہزار روپے اور موبائل فون چھین لیا،الہ آباد کے رہائشی یوسف شاہ کی موٹرسائیکل گھر کے باہر سے چو ر لے اڑے ،پولیس مصروف کارروائی ہے، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)پولیس نے مختلف مقامات پر کارروائی کرتے ہوئے منشیات برآمد کرکے دو منشیات فروشوں کو گرفتار کرلیا ہے،تفصیلات کے مطابق تارا گڑھ چوک میں پولیس نے دوران گشت شک گزرنے پر ملزم غیاث کی تلاشی لی تو اس کے قبضے سے بیس بوتل دیسی شراب برآمد ہوگئی،تالاب ہری ہر کے قریب پولیس نے چھاپہ مار کر ملزم نظام دین کے قبضے سے 1050 گرام چرس برآمد کرکے ملزم کو گرفتار کرکے مقدمہ درج کرلیا، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)قصور ڈرگ کنٹرولر ٹیم کالالوکے الہ آباد کے علاقے میں واقع حویلی پرچھاپہ، ملٹی نیشنل کمپنی کی جعلی ادویات بنانے والی فیکٹری پکڑی گئی ،ملزم گرفتار مقدمہ درج، تفصیلات کے مطابق ڈرگ انسپکٹرقصورثناء اللہ سیف، ڈرگ انسپکٹرکوٹرادھاکشن ،رمیز خاں ڈرگ انسپکٹر چونیاں ،شیرمحمد زمان نے پولیس نفری کے ہمراہ الہ آباد کے علاقے لالوکے کی ایک حویلی میں چھاپہ مارا توملزم عبدالستار ولدمحمدصادق ملٹی نیشنل کمپنی کی لوکل جعلی ادویات ایک فیکٹری کی شکل دے کر تیارکررہے تھے جس پر پولیس نے سینکڑوں بوتلیں تیارادویات پکڑلیں اورشربت بنانے والے آلات بھی قبضہ میں لیکرملزم کو گرفتارکرلیا۔ذرائع کے مطابق یہ لوگ ملٹی نیشنل کمپنی کے جعلی ٹیگ لگا کر ادویات فیکٹری میں تیارکرکے پورے پنجاب میں سپلائی کرتے تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)انجمن پٹھاناں رجسٹرڈ قصورکاجنرل اجلاس 31جولائی بروزاتوار 5بجے مرکزی دفترانجمن پٹھاناں شہباز خاں روڈپرمنعقد ہوگا جس میں ضلع بھرکے پٹھان فیملی سے تعلق رکھنے والے لوگ شرکت کرینگے۔ بانی انجمن پٹھاناں ذوالفقار رسول خان کے مطابق علی حسنین خان کی رہائش گاہ پراجلاس میں خصوصی لائحہ عمل ختیارکیاجائے گا اوراہم فیصلے بھی کیے جائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)مسلم لیگ ن کے ایم این اے میاں وسیم اختر شیخ نے کہا ہے کہ حکومت ملک میں اقتصادی ترقی کا پہیہ چلانے میں کامیاب ہو گئی ہے ، میاں نوا شریف کی لیڈا رانہ صلاحیتوں کی وجہ سے آج پاکستان میں زرمبادلہ کے ڈخائر اور اقتصادی شرح میں اضافہ ہوا ہے ۔ آج ملک میں روز گار کے وسائل میں تیزی سے ترقی اور پڑھے لکھے نوجوانوں کا میرٹ پر نوکریاں ملنی شروع ہو گئی ہے ۔ صنعتوں کو سو فیصد بجلی کی فراہمی سے صعنت کا پہیہ تیز ہو رہاہے ملک میں سرمایہ کاری بڑھ رہی ہے اور عام آدمی کے لئے روز گار کا حصول آسان ہو گیا ہے ۔ ان خیالات کا اظہار انہوں نے قصور میں میڈیا سے گفتگو کرتے ہوئے کیا۔ اس موقع پر مسلم لیگی رہنماعبدالقدوس صابرابصاری امیدوار کونسلررکن پورہ، میاں سعد وسیم شیخ ، شیخ حبیب احمد ،میاں صلاح الدین کے ڈی، جمیل احمد خاں اور حاجی محمدا کرم انصاری دیگر بھی موجود تھے ۔اس موقع پر میونسپل کمیٹی قصور کے متوقع وائس چیر مین احمد لطیف چوہدری ایڈووکیٹ نے کہاکہ مسلم لیگ ن کی حکومت کے ہر دور میں پاکستانی عوام کا معیار زندگی بڑھا ہے، میاں نواز شریف اور مایں شہباز شریف نے ہمیشہ عوام کی ترقی اور انہیں ریلیف کی بات کی ہے ،پنجاب حکومت ہسپتالوں میں مریضوں کو فری علاج اورادویات کی فراہمی کو یقینی بنا رہی ہے تو دوسری طرف انہیں تعلیم کی مفت سہولیات فراہم کررہی ہے تاکہ پڑھ لکھ کر ملک کے نوجوان پاکستان کی تعمیرو ترقی میں اپنا رول ادا کر سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ) پولیس تھانہ اے ڈویثرن نے اشتہاریوں کو پناہ دینے پر چار افراد کو گرفتار کر کے انکے خلاف چار الگ الگ مقدمات درج کر لئے ہیں ۔ پولیس تھانہ اے ڈویثرن کو اطلاع ملی کہ ملزمان نور محل سینما کا رہائشی محمد رفیق،چوک قادر آباد کا رہائشی محمد عرفان اور کالج روڈ قصور کے رہائشی محمد منیر اور امجد علی اشتہاریوں کو پناہ دتے ہیں جس پر پولیس نے انہیں گرفتار کر کے اس کے خلاف الگ الگ چار مقدمات درج کر لئے ہیں ۔
کراچی کی خبریں 28/7/2016
جمعیت علماء اسلام ( ف) یو سی 4 میٹرول کے زیراہتمام پیغام جمعیتہ کانفرنس
