لندن (جیوڈیسک) عبدالستار ایدھی کے انتقال پر جہاں پوری پاکستانی قوم شدت غم سے نڈھال ہے وہیں انگلیڈ کے دورے پر موجود قومی ٹیم کے کھلاڑیوں نے بھی قومی ہیرو کے انتقال پر ایک منٹ کی خاموشی اختیار کی اور بازو پر کالی پٹیاں باندھ کر میچ میں شرکت کی۔
انگلش کاؤنٹی سسیکس کے خلاف دوسرے وارم اپ میچ میں شرکت سے قبل قومی ٹیم کے کھلاڑیوں نے عبدالستار ایدھی کو خراج عقیدت پیش کرنے کے لئے ایک منٹ کی خاموشی اختیار کی اور بازووں پر کالی پٹیاں باندھ کر میچ میں شرکت کی۔
واضح رہے کہ انگلیڈ کے خلاف سیریز سے قبل ہی پاکستان کرکٹ بورڈ (پی سی بی) نے انٹرنیشل کرکٹ کونسل (آئی سی سی) کی اجازت سے قومی ٹیم کی وردی پر ایدھی فاؤنڈیشن کا لوگو لگانے کی منظوری لی تھی جس کا مقصد فلاحی کاموں کے لئے چیریٹی جمع کرنا ہے۔
سیرینا ولیمزنے ساتویں بار ومبلڈن کا ٹائٹل جیت لیا
یورو کپ کی فیصلہ کن جنگ کیلئے آج پرتگال اور فرانس میں میدان لگے گا
