اسلام آباد (جیوڈیسک) قومی اسمبلی میں اپوزیشن اور حکومت کی اتحادی جماعتوں نے بھی پرویز مشرف کے خلاف آئین کے آرٹیکل چھ کے تحت کارروائی کی حمایت کر دی۔
قومی اسمبلی میں پرویز مشرف کے خلاف غداری کے تحت مقدمہ چلانے پر اپوزیشن جماعتیں متفق نظر آئیں، اپوزیشن لیڈر سید خورشید شاہ نے کہا کہ کسی کو جرات نہیں ہونی چاہئے کہ پاکستان کے دستور کو کاغذ کا ٹکرا کہے۔ ان کا کہنا تھا کہ جن ڈکٹیٹروں نے دستور کو توڑا انہیں عوام نے مسترد کر دیا ہے۔
تحریک انصاف کے ڈپٹی پارلیمانی لیڈر شاہ محمود قریشی نے کہا کہ تحریک انصاف دستور کی بالا دستی پر یقین رکھتی ہے۔ نواز شریف نے مشرف کے بارے میں درست فیصلہ کیا۔پختون خواہ ملی عوامی پارٹی کے رہنما محمود اچکزی نے کہا کہ ہر ادارہ اپنے دائرہ کار میں رہ کر کام کرے۔
عوامی مسلم لیگ کے شیخ رشید نے اس اقدام کی مخالفت کی،ان کا کہنا تھا کہ قوم کو بہت سے مسائل کا سامنا ہے،پنڈورا بکس نہ کھولا جائے اگر کھلا تو بات 12 اکتوبر تک جائیگی۔ متحدہ قومی موومنٹ کے عبدالو سیم کا کہنا تھا کہ ان تمام ڈکٹیٹروں کا احتساب ہونا چاہئے جو ملک پر شب خون مارتے رہے،مسلم لیگ ضیا کے اعجاز الحق نے کہا کہ جمہوریت ہی ملک کے لیے بہترین راستہ ہے۔
نامناسب رویے، جعلی ڈگری پر پنجاب بار کونسل کے 47 وکلا کے لائسنس معطل
سندھ اسمبلی، ساجد قریشی کے قتل ،ٹیکس ڈیوٹی کے نفاذ کیخلاف قرار دادیں منظور
