کراچی (جیوڈیسک) قومی کرکٹرز نے صرف 3ماہ کے لیے سینٹرل کنٹریکٹ کو مسترد کرتے ہوئے دستحظ سے انکار کردیا۔
تفصیلات کے مطابق ورلڈ کپ سے قبل قومی کرکٹ ٹیم ان دنوں 2ون ڈے میچز کھیلنے کے لیے نیوزی لینڈ میں موجود ہے، ذرائع نے نمائندہ ایکسپریس کو بتایا کہ سینٹرل کنٹریکٹ کے معاملے پر کھلاڑیوں اور بورڈ میں ٹھن گئی ہے۔دسمبر میں معیاد ختم ہونے کے بعد پی سی بی نے تین ماہ کے لیے معاہدوں میں تجدید کر دی تھی، اس پر کھلاڑی چراغ پاہوگئے اور بیشتر نے معاہدوں پر دستخط کرنے سے انکار کر دیا۔
کھلاڑیوں کا موقف ہے کہ صرف 3ماہ کے معاہدے کا کیا جواز ہے، اسی طرح وہ سابق بورڈ سربراہ نجم سیٹھی کے دور میں بننے والے معاہدے کی بعض شقوں سے بھی متفق نہیں ہیں، ذرائع نے مزید بتایا کہ گزشتہ روز کرائسٹ چرچ میں میٹنگ کے دوران کھلاڑیوں نے فیصلہ کیا کہ جب تک ایک سال کا معاہدہ نہیں ملتا کوئی اس پر دستخط نہیں کرے گا۔
انھیں پتا چلا ہے کہ چیئرمین شہریارخان کو معاہدوں کی باریکیوں کا علم نہیں تھا، اسی لیے پلیئرز چاہتے ہیں کہ ان کو اس حوالے سے اعتماد میں لیں۔
نیشنل گرڈ اسٹیشن میں خرابی سے ملک میں بجلی کا بڑا بریک ڈاؤن
گڈو سے کوئٹہ جانے والی 220 کے وی کی لائن ٹرپ کرگئی
