کراچی (اسپورٹس رپورٹر) کالونی اسپورٹس فٹ بال کلب کے زیر اہتمام نیشنل بنک کے تعاون سے کالونی اسپورٹس کمپلیکس ملیر پر جاری “آٹھواں آل پاکستان نیشنل بنک فٹ بال ٹورنا منٹ میں نیشنل شاہین نے اپنے عمدہ کھیل کی بدولت ٹورنامنٹ کی مضبوط ٹیم چنیسر بلو کو رحمن زادہ کے گول کی بدولت 1-0سے شکست دیکر کوارٹر فائنل میں جگہ بنالی تاہم کھیل کے دوران چنیسر بلو نے گول کرنے کے بیشتر مواقع ضائع کئے ٹورنامنٹ میں کھیلے گئے آخری پری کوارٹر فائنل مقابلے میں سندھ مسلم گذری نے اپنی جیت کی روائت کو برقرار رکھتے ہوئے ملیر کی معروف ٹیم دلبود محمڈن کو پنالٹی ککس پر 6-4سے زیر کردیا کھیل کے پہلے ہاف میں دلبود محمڈن کو ایک گول کی سبقت حاصل تھی جو ان کے کھلاڑی امجد نے اسکو کیا تھا جبکہ دوسرے ہاف سندھ مسلم گذری کی جانب سے شاہد نے گول کرکے مقابلہ 1-1گول سے برابر کردیا جو کھیل کے مقررہ وقت تک برقرار رہا پنالٹی ککس مرحلے میں سندھ مسلم گذری کامیاب رہی۔
کھیل کے اختتام پر مہمان خصوصی صدر لیاقت مارکیٹ وسیم احمد کا کھلاڑیوں سے تعارف کرایا گیا اس موقع پر ٹورنامنٹ آرگنائزر ضمیر السلام ،امیر محمدخان اور دیگر بھی موجود تھے ٹورنامنٹ میں کھیلے گئے میچوں میں ریفری کے فرائض نیشنل فٹ بال ریفری عمر بلوچ ،خالد ممتاز جمی ،سراج الدین طالب ،عبدالغفور بلوچ نے انجام دیئے جبکہ میچ کمشنر منور خان اور میڈیا کوارڈینٹر شیر افضل بھی موجود تھے۔
کراچی: رینجرز کا ٹارگٹڈ آپریشن، 5 مشتبہ افراد گرفتار
لاہور : مکین گنبد خضریٰ ملین کانفرنس کا اشتہار
