گجرات کی خبریں 31/5/2014
Posted on June 1, 2014 By Geo1 Webmaster سٹی نیوز
ڈی سی او لیاقت علی چٹھہ نے سی بی اے ڈگری کالج کوٹلہ ارب علی خاں کے زیر اہتمام منعقد کی گئی انسداد سگریٹ نوشی ریلی کی قیادت کی ،
گجرات(جی پی آئی)ڈی سی او لیاقت علی چٹھہ نے سی بی اے ڈگری کالج کوٹلہ ارب علی خاں کے زیر اہتمام منعقد کی گئی انسداد سگریٹ نوشی ریلی کی قیادت کی ، اس موقع پر پرنسپل ندیم اختر چوہدری ، اشرف ریحانیہ ، پی ایس او ندیم بٹ و دیگر سیاسی سماجی شخصیات کی کثیر تعداد موجود تھی ، بعد ازاں سکول کے طلباء سے خطاب کرتے ہوئے انہوںنے کہا کہ سگریٹ نوشی ایک مضر عمل ہے ، جس کا کثیر استعمال کینسر ، سرطان اور دیگر مہلک بیماریوں کا موجب بنتی ہے ، سگریٹ نوشی کے مضر اثرات سے بچوں کو آگاہی دیتے ہوئے انہوں نے کہا کہ سگریٹ نوشی ناگزیر اور مہلک صحت عمل ہے ، جسے سب ہمارے معاشرے میںبری نگاہ سے دیکھتے ہیں ، سکول انتظامیہ کی طرف سے انسداد سگریٹ نوشی مہم کو سراہتے ہوئے ڈی سی او نے مزید کہا کہ میں آپ کی کوشش کی داد دیتا ہوں کہ اس شدید گرمی میں آپ لوگوں نے واک کا انتظام کیا اور سگریٹ نوشی جیسے قومی ایشو کو اٹھایا ، جو قابل ستائش ہے میں آپ کی کوشش کو داد دیتا ہوں ، دریں اثناء ڈی سی او لیاقت علی چٹھہ نے طلباء اور اساتذہ میں سرٹیفکیٹ تقسیم کیے اور سکول کا دورہ کیا ، بعد ازاں انہوں نے میڈیا سے بات چیت کرتے ہوئے کہا کہ سگریٹ نوشی جیسی بری لعنت کو ختم کرنے کیلئے جس طرح سی بی اے کالج نے واک کا اہتمام کر کے عوام میں شعور اجاگر کرنے کی کوشش کی ہے انشاء اللہ ایک دن اس بری لعنت پر قابو پا لیا جائیگا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او لیاقت علی چٹھہ نے گورنمنٹ سپیشل ایجوکیشن سنٹر لالہ موسیٰ کے اجلاس کی صدارت کی
گجرات(جی پی آئی)ڈی سی او لیاقت علی چٹھہ نے گورنمنٹ سپیشل ایجوکیشن سنٹر لالہ موسیٰ کے اجلاس کی صدارت کی، اس موقع پر اے سی کھاریاں میاں مظہر ، ای ڈی او سی ڈی چوہدری محمد نواز ، ڈسٹرکٹ آفیسر سوشل ویلفیئر چوہدری امجد اقبال کلیر ، پی ایس او ندیم بٹ و دیگر بھی موجود تھے ، اس موقع پر ڈی سی او لیاقت علی چٹھہ نے 10لاکھ روپے فنڈ سپیشل ایجوکیشن سنٹر لالہ موسیٰ کو دئیے ، انہوں نے کہا کہ میں آپ کے جذبے کی قدر کرتا ہوں اور یہ میری بھی سرکاری ڈیوٹی ہے کہ گورنمنٹ اداروں کو عوام کے تعاون سے بہتر سے بہتر کروں جب عوام تعاون کرتی ہے تو اداروں کے پہیے چل پڑتے ہیں ان خیالات کا اظہار ڈی سی او لیاقت علی چٹھہ نے اجلاس سے خطاب کرتے ہوئے کہا کہ سپیشل بچوں کی خدمت ہمارا قانونی اور اخلاقی فرض ہے ، میں تو سپیشل بچوں کے سکول ڈھونڈ کر اس میں ذاتی دلچسپی لیتا ہوں ، ڈی سی او لیاقت علی چٹھہ نے کہا کہ سکول کا ایک جوائنٹ بینک اکائونٹ بنائیں اور اس ادارے کا احتساب بھی ہو گا ، تا کہ بھی فرد یہاں پر پیسہ ڈونیٹ کرتا ہے اسے علم ہونا چاہیے کہ اس کا پیسہ کہاں استعمال ہو رہا ہے ، ڈی سی او لیاقت علی چٹھہ نے ان سماجی شخصیات کی خدمات کو سراہتے ہوئے کہا کہ آپ جو کام کر رہے ہیں اس کا کوئی متبادل نہیں ، نیک کام کی جو مسرت ہوتی ہے صرف وہی محسوس کر سکتا ہے جو اس کام کو کرتا ہے ، ڈی سی او لیاقت علی چٹھہ نے چوہدری اشرف ریحانیہ کی خدمات کو بھی سراہا جو وہ گجرات میں سپیشل بچوں کیلئے کمپلیکس بنوا رہے ہیں ، ڈی سی او نے آخر میں سکول انتظامیہ کو ہدایت کی کہ وہ گائوں گائوں جا کر آگاہی مہم چلائیں تا کہ زیادہ سے زیادہ سپیشل بچے ادارہ سے مستفید ہو سکیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او لیاقت علی چٹھہ نے کوٹلہ ارب علی خاں سول ہسپتال کا دورہ کیا
گجرات(جی پی آئی)ڈی سی او لیاقت علی چٹھہ نے کوٹلہ ارب علی خاں سول ہسپتال کا دورہ کیا اور ہسپتال میں دی جانے والی سہولیات کا جائزہ لیا ، انہوںنے مریضوں سے ان کے مسائل دریافت کیے ، اس موقع پر انچارج ڈاکٹر محمد ارشد نے ڈی سی او لیاقت علی چٹھہ کو ہسپتال کے مسائل سے آگاہ کیا ، انہوںنے بتایا کہ ہسپتال میں پانی کی عدم دستیابی ، ایکسرے مشین کی اسیسریز ، پراپر لیبارٹری اور نہ ہی لیب ٹیکنیشن موجود ہے ، ڈی سی او لیاقت علی چٹھہ نے ان مسائل کی جلد یقینی دہانی کرواتے ہوئے کہا کہ ان مسائل کو جلد از جلد حل کر لیا جائیگا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انجمن غلامانِ مصطفی ۖ گندرہ خورد کے زیر اہتمام سالانہ معراج مصطفی ۖ کانفرنس گندرہ خورد میں منعقد ہوئی ،
گجرات (جی پی آئی) انجمن غلامانِ مصطفی ۖ گندرہ خورد کے زیر اہتمام سالانہ معراج مصطفی ۖ کانفرنس گندرہ خورد میں منعقد ہوئی ، جس کی صدارت پیر سید زاہد صدیق شاہ آستانہ عالیہ بوکن شریف نے کی ، جبکہ مہمان خصوصی ضلعی صدر پاکستان سنی تحریک پیر سید مبشر حسین شاہ تھے ، خصوصی خطاب مفکر اسلام خطیب اعظم گجرات علامہ محمد شاہد چشتی نے کیا ، تلاوت کلام پاک کا شرف قاری محسن رضا قادری نے حاصل کیا ، نقابت کے فرائض عمران چشتی نے سرانجام دئیے ، نعت رسول مقبول ۖ پیر سید جرار حسین شاہ آستانہ عالیہ جنڈانوالہ شریف ، قاری عبدالرحمن ، محمد اکمل دریائی ، حاجی تصور قادری نے حاصل کیا ، اس موقع پر علامہ قاری عامر رضوان ، قاری مختار ، قاری افضل سیالوی ، قاری یاسین قادری و دیگر زین حیدر ، اظہر جاوید ،فیضان اختر ، شعیب شاہ ، سفیان الحق ، علی رضا ، شہزاد اکبر ، اعتزاز ساجد ، علی حمید ، طیب فیاض چوہدری انضمام الحق ، عامر حسین ، حافظ عثمان ، حسیب احمد شامل تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملکی حالات روز بروز ابتر سے ابتر ہوتے جا رہے ہیں اور حکومت امن و امان کے قیام میں بلکل ناکام نظر آ رہی ہے۔ علامہ ساجدعلی نقوی
گجرات (جی پی آئی) ملکی حالات روز بروز ابتر سے ابتر ہوتے جا رہے ہیں اور حکومت امن و امان کے قیام میں بلکل ناکام نظر آ رہی ہے ، ہر طرف دہشت گردی کا دور دورہ ہے ، ان خیالات کا اظہار قائد ملت تشیع علامہ ساجدعلی نقوی نے گزشتہ روز لنڈ پور میں منعقدہ پریس کانفرنس کے دوران کیا انہوں نے کہا کہ حکومت نے اب تک جو بھی وعدے کیے ہیں ، وہ پورے نہیں ہو سکے ، دہشت گردی اور بیروزگاری سے عوام تنگ ہیں ، گجرات میں دہشت گردی کے واقعات میں ملوث افراد کی گرفتاری کے حوالہ سے سوال کے جواب میں انہوں نے کہا کہ اس پہلے بھی گرفتاریاں ہوئیں ہیں ، کچھ افراد نے اقبال جرم بھی کیے ہیں ، مگر ان کا کیا بنا ، آج تک پتہ نہیں چل سکا ، دہشت گردی اور لاقانونیت پر صرف اسی صورت میں قابو پایا جا سکتا ہے جب دہشت گردوں کو سز ا ملے ، انہوں نے کہا کہ آج تک جتنے افراد بھی گرفتار ہوئے ہیں ، انہیں کسی عدالت میں پیش نہیں کیا گیا ، اور نہ ہی کسی قسم کی کوئی پیش رفت سامنے آئی ہے ، یہ حکومتی ناکامی کا منہ بولتا ثبوت ہے ، اس موقع پر صدر شیعہ علمائے کونسل سید الطاف عباس کاظمی ، وقار الحسن ہیرا ، سید فصیح شاہ و دیگر بھی موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فخر پاکستان میاں نواز شریف اور شیر پنجاب میاں شہباز شریف کی سربراہی میں پاکستان مسلم لیگ ن کی حکومت کیلئے کوشاں ہے ،رانا مشرف علی ناز
گجرات (جی پی آئی) فخر پاکستان میاں نواز شریف اور شیر پنجاب میاں شہباز شریف کی سربراہی میں پاکستان مسلم لیگ ن کی حکومت کیلئے کوشاں ہے ، اور میاں شہباز شریف نے ایسے افراد کو ذمہ داریاں سونپی ہیں جو کہ ان کے صحیح حقدار ہیں ، ان خیالات کا اظہار پاکستان مسلم لیگ ن کے ممتاز راہنما رانا مشرف علی ناز نے گزشتہ روز چیئرمین ضلعی بیت المال کمیٹی چوہدری ظہور الٰہی کو ان کی شاندار خدمات پر مبارک باد پیش کرتے وقت کیا ، انہوں نے بحیثیت چیئرمین بیت المال غریب اور مستحق عوام کی خدمت کیلئے دن رات کام کرنے پر چوہدری ظہور الٰہی کو خراج تحسین پیش کیا کہ وہ اپنے منصب سے مخلص ہو کر قائدین کی توقعات کے مطابق عوام کی خدمت کر رہے ہیں ، انہوں نے کہا کہ حاجی ناصر محمود اور مسلم لیگ کے قائدین نے ہمیشہ ایسے افراد کو ذمہ داریاں سونپی ہیں جو کہ ذمہ داری کے حقدار ہوں ، انہوں نے کہا کہ بہت ہی قلیل عرصہ میں چوہدری ظہور الٰہی نے خدمت خلق کیلئے کام کیا ہے اور بیت المال کمیٹی سے لاکھوں روپے کے فنڈز مستحقین تک پہنچائے ہیں ، انہوں نے امید ظاہر کی کہ چوہدری ظہور الٰہی آئندہ بھی اسی طرح خدمت خلق کیلئے کام کریں گے اور مسلم لیگ ن کے قائدین کے وقار میں اضافے کا سبب بنیں گے ، ہم ان کیلئے دعا گو ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
35سالہ شخص کی شادیوال پاورہاوس سے نعش برآمد۔خودکشی یااتفاقیہ موت۔
کنجاہ(جی پی آئی)35سالہ شخص کی شادیوال پاورہاوس سے نعش برآمد۔خودکشی یااتفاقیہ موت۔تفصیلات کے مطابق شادیوال پاورہاوس سے کنجاہ پولیس کوایک 35سالہ شخص کی نعش ملی ہے جس کے جسم پرکوئی بھی زخم کانشان موجودنہ ہے۔کنجاہ پولیس مصروف تفتیش ہے۔کہ متوفی کی موت کیسے ہوئی۔آیاخودکشی ہے یااتفاقیہ موت۔تاحال متوفی کے وارثان کاسراغ نہیں مل سکا۔کنجاہ پولیس نے نعش کوقبضہ میں لے کرپوسٹمارٹم کروانے کے بعدنعش کوTMAگجرات کے حوالے کردیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ ن کے راہنما تحصیل سیکرٹری اطلاعات صابر رضا مغل کی نانی اماں کی نماز جنازہ گزشتہ روز آبائی قبرستان میں پڑھائی گئی جس
گجرات(جی پی آئی)پاکستان مسلم لیگ ن کے راہنما تحصیل سیکرٹری اطلاعات صابر رضا مغل کی نانی اماں کی نماز جنازہ گزشتہ روز آبائی قبرستان میں پڑھائی گئی جس میں سیاسی و سماجی مذہبی اور علاقے کی اہم شخصیات نے شرکت کی اور مرحومہ کا ختم قل کل بروز اتوار نو بجے جامع مسجد عید گاہ میں ہوگا اور دعا دس بجے ہو گی اللہ تعالی مرحومہ کو جنت الفردوس میں اعلیٰ مقام عطا فرمائے۔
قوم کو فوج اور حساس اداروں پر فخر ہے، اشرف نواز خان فوج اور ISIکی کردار کشی کسی صورت میں برداشت نہیں کی جائے گی
