نواب شاہ(جیو ڈیسک) نواب شاہ میں انتخابات کے موقع پر میبنہ دھاندلی کے خلاف ہونیو الے پر تشدد واقعات میں 4افراد کی ہلاکت کے بعد شہر میں چوتھے روز بھی کشیدگی برقرار ہے۔اور معمولات زندگی بری طرح متاثر ہیں۔نواب شاہ میں کشیدگی کی وجہ سے تمام کاروباری مراکز،تعلیمی ادارے ،نجی دفاتر اور ٹرانسپورٹ بند ہیں۔
لوگ گھروں میں محصور ہو کر رہ گئے ہیں ،چار روز سے دکانیں بند ہونے کی وجہ سے شہر میں کھانے پینے کی اشیاکے حصول میں لوگوں کو سخت مشکلات کا سامنا ہے۔ گزشتہ رات شہر کے مختلف علاقوں میں نامعلوم افراد نے ہوائی فائرنگ کی ،ڈپٹی کمشنر آغا ناصر کا کہنا ہے کہ امن و امان کی صورتحال خراب کرنے والوں کے خلاف فوری طور پر کارروائی کاحکم دیاگیا ہے۔
دیگر اضلاع سے بھی پولیس کی اضافی نفری طلب کرلی گئی ہے۔ شہر کے داخلی و خارجی راستوں کی سخت چیکنگ کی جارہی ہے۔ادھر این اے 213اورپی ایس 24پر ایم کیو ایم نے فوج کی نگرانی میں دوربارہ انتخابات کا مطالبہ کیا ہے
افغانستان : بم دھماکا میں خواتین اور بچوں سمیت 10 شہری ہلاک
بھارت کا فوجی ہیلی کاپٹر دوران پرواز گر کر تباہ
