سانگلہ ہل (جیوڈیسک) پاکستان مسلم لیگ (ن)کے رہنما ایم پی اے چودھری طارق محمود باجوہ نے کہا ہے کہ میاں نواز شریف وہ واحد قومی لیڈرہیں جنہوں نے پاکستان کوایٹمی قوت بنا کر دنیا بھرمیں ملک کاوقار بلند کیا۔ مسلم لیگ پاکستان کی خالق جماعت ہے، ہم اپنے قائدمیاں نواز شریف کی قیادت میں پاکستان کو ایشیا کی بڑی معاشی قوت بنانے کا سلسلہ جاری رکھیں گے۔ وزیراعظم میاں نواز شریف ورثے میں ملنے والے مسائل اور بحرانوں سے نمٹنے کیلئے نہایت جرات مندی سے اقدامات اٹھا رہے ہیں۔
باجوہ ہاؤس میں صحافیوں سے گفتگو کرتے ہوئے چودھری طارق محمود کا کہنا تھا کہ موٹر وے انٹر چینج، یونیورسٹی کیمپس اور پاسپورٹ آفس جیسے منصوبے مکمل کئے جائیں گے۔ صوبے کی تعمیر و ترقی کا سلسلہ وزیر اعلیٰ پنجاب شہباز شریف کی قیادت میں تیزی سے جاری ہے، کوئی حلقہ بھی بنیادی سہولیات سے محروم نہیں رہے گا۔
مختلف علاقوں میں آج اور کل گیس بند رہے گی
پی پی نے ہمیشہ عوام کے حقوق کی جنگ لڑی: آصف خان
