پیپلز پارٹی کے مرکزی رہنما قمر زمان کائرہ نے کہا ہے کہ نواز شریف اور عمران خان میں اس بات کا مقابلہ ہو رہا ہے ، کہ کون طالبان کا زیادہ نمائندہ ہے، 11 مئی کو گلی گلی محلے محلے میں عوام کی سیاسی عدالتیں لگیں گی اور نواز شریف کو کئے کی سزا مل کر رہے گی۔
لالہ موسی کے حلقہ این اے ایک سو چھ سے قومی اسمبلی کے امیدوار اور پیپلز پارٹی کے مرکزی رہنما قمر زمان کائرہ کا کہنا تھا کہ آج پاکستان میں دہشت گردوں کے حملے صرف پیپلز پارٹی، ایم کیو ایم اور اے این پی پر ہی کیوں ہو رہے ہیں، جبکہ دہشت گردوں کے حامی کھلے عام جلسے کر رہے ہیں۔
پیپلز پارٹی کی قیادت کا کہنا تھا کہ ہم نے آئین کو بحال کیا، این ایف سی ایوارڈ دیا، بجلی بحران ختم کرنے کے درجنوں منصوبوں کا آغاز کیا۔ معلوم نہیں مشرف سے معاہدہ کر کے عوام کو گمراہ کرنے پر الیکشن کمیشن نے نواز شریف کو نااہل قرار کیوں نہیں دیا۔
انتخابی اجتماع سے صوبائی امیدواروں تنویر اشرف کائرہ اور چوہدری اعجاز نے خطاب کرتے ہوئے دعوی کیا کہ 11 مئی کے بعد ایک مرتبہ پھر پیپلز پارٹی کے اتحادیوں کی حکومت بنے گی۔
کوئٹہ :مذاکرات کامیاب،اساتذہ انتخابات میں فرائض انجام دینے پر راضی
پولنگ ڈے کے لیے الیکٹرانک پرچی تیار،باضابطہ افتتاح آج ہو گا
