اسلام آباد (جیوڈیسک) سابق چیئرمین نیب فصیح بخاری اپنی برطرفی کے خلاف نظرثانی درخواست کے فیصلے تک نئے چیئرمین نیب کا تقرر رکوانے کیلئے سپریم کورٹ سے رجوع کریں گے، بر طرف چیئرمین نیب فصیح بخاری کے وکیل سردار لطیف کھوسہ نے لاہور میں جیو نیوز کو بتایا کہ ان کے موکل نے اپنی برطرفی کے فیصلے کے خلاف عدالت عظمی میں نظر ثانی کی درخواست دائر کر رکھی ہے۔
کل عدالت عظمی میں متفرق درخواست دائر کر کے جلد سماعت کرنے اور فیصلے تک نئے چیئرمین کی تقرری کا عمل روکنے کی استدعا کی جائے گی، لطیف کھوسہ کا کہنا تھا کہ معاملہ عدالت میں زیر سماعت ہونے کی وجہ سے نئے چیئرمین نیب کی تقرری نہیں کی جا سکتی۔
سندھ میں امن و امان کی صورتحال جلد بہتر ہو جائے گی، قائم علی شاہ
اسلام آباد اور راولپنڈی میں موسلا دھار بارش، موسم خوشگوار
