نئی دہلی (جیوڈیسک) بھارتی دارالحکومت دہلی کے وزیرِ اعلیٰ اروند کیجریوال اب عوام کی توجہ پھر اپنی حکومت اور اس کے کام کی طرف مبذول کروانا چاہتے ہیں۔ آج کل دہلی کے ہر ایف ایم سٹیشن پر کیجریوال کا دہلی کو ’بدعنوانی سے پاک پانچ شہروں‘ میں شامل کرنے کا وعدہ دن میں 50 بار سنایا جا رہا ہے۔
سرکاری ہیلپ لائن پر روز ہزاروں فون کالز آ رہی ہیں اور لوگ اپنی شکایتیں درج کرا رہے ہیں مگر، ان ہزاروں میں سے کچھ ہی ایسی ہیں جن پر کارروائی کی جارہی ہے۔ نئی دہلی کی حکومت کا کہنا ہے کہ لوگ رشوت مانگنے والوں کے خلاف صحیح ثبوت نہیں فراہم کر رہے اور بدعنوانی کے خلاف چلائی جانے والی اس مہم کا دائرہ بڑھانے کی بات بھی ہو رہی ہے۔
حکومت کے ترجمان ناگیندر شرما نے کہا کہ 5 اپریل کو ’ہیلپ لائن‘ کے آغاز کے بعد سے اب تک 26 ہزار سے بھی زیادہ شکایتیں درج کرائی گئیں تاہم حکومت کے حساب سے ان 26 ہزار میں سے صرف تقریباً 100 شکایات ہی ’انٹی کرپشن بیورو‘ کو بھیجی جا سکیں۔
سری لنکن صدر کا اگلے ماہ پارلیمنٹ تحلیل جنگی جرائم کے الزامات کی تحقیقات کا اعلان
اسرائیلی فوج کی فائرنگ سے 27 سالہ فلسطینی شہید
