کراچی (جیوڈیسک) کراچی کے علاقے نیو کراچی سیکٹر 11 ای میں قائم گتا فیکٹری میں آگ لگ گئی ہے۔ تین فائر ٹینڈرز کی مدد سے آگ بجھادی گئی ہے۔فائر بریگیڈ حکام کے مطابق نیو کراچی سیکٹر 11 ای کی گتا فیکٹری میں اچانک آگ بھڑک اٹھی۔
آگ لگنے کے باعث گتا فیکٹری میں موجود مختلف اشیاء اور اسٹاک میں رکھا ہوا سامان جل گیا۔ فائر بریگیڈ حکام کے مطابق آگ لگنے کے بعد 3 فائر ٹینڈرز نے آگ بجھانے کے کام میں حصہ لیا،تاہم کوئی جانی نقصان نہیں ہوا۔
