نئی دہلی (جیوڈیسک) بھارت میں نئی ریاست تلنگانہ کے قیام کے بل پر آندھرا پردیش کے وزیراعلیٰ کرن کمار ریڈی مستعفی ہو گئے۔
ہنگامے کے باعث راجیہ سبھا کا اجلاس بھی ملتوی کر دیا گیا۔ بھارتی میڈیا رپورٹس کے مطابق سیما ندھرا میں ہڑتال ہے۔ آندھرا پردیش کے وزیراعلیٰ کرن کمار ریڈی نے آندھرا پردیش کی تقسیم کو ووٹ ہتھیانے کی سیاست قرار دیتے ہوئے عہدے سے استعفٰی دے دیا، انھوں نے کانگریس کی رکنیت سے بھی استعفیٰ دیا ہے۔
تلنگانہ بِل آج راجیا سبھا میں پیش کیا جانا تھا تاہم ہنگامے کے سبب اسپیکر نے اجلاس 12 بجے تک ملتوی کر دیا۔ لوک سبھا بِل کی منظوری دے چکی ہے۔ سیماندھرا میں ہڑتال کے باعث کاروبار بند اور سڑکوں سے ٹریفک غائب ہے، دوسری جانب تلنگانہ میں جشن کا سماں ہے۔
بیروت میں ایرانی ثقافتی مرکز کے قریب 2 خود کش حملے، 5 افراد ہلاک، 100 سے زائد زخمی
بھارتی دوشیزہ نے دنیا کی پرواہ کئے بغیر مردوں کی طرح چہرے پر داڑھی رکھ لی
