نیویارک (جیوڈیسک) نیویارک کی عدالت نے برطانیہ بدر کیے گئے ابوحمزہ کو دہشت گردی کی حمایت کا مجرم قرار دے دیا۔ انھیں اس جرم میں عمر قید ہوسکتی ہے۔ ابوحمزہ پرالزام تھاکہ انھوں نے 11 مرتبہ اغوا اور دہشت گردی کی حمایت کی تھی۔ انھیں نوستمبر کو مین ہیٹن کی عدالت میں جج کیتھرئن فارسٹ سزا سنائیں گی۔
انھیں مجرم قرار دینے کے لیے مقدمے کی سماعت 2 روز تک جاری رہی۔عدالت کی 12 رکنی جیوری نے ابوحمزہ کو مجرم قرار دینے کے لیے متفقہ فیصلہ دیا۔ برطانیہ وزیرداخلہ تھریسا مے کا کہنا ہے کہ ابو حمزہ کو انصاف کے کٹہرے میں فیصلہ ملنے پر خوشی ہوئی۔
انھوں نے اپنے اوپر مقدمے کی کارروائی میں تاخیر کروانے کے لیے بہت کوششیں کی تھیں۔
آزادی اظہار کے حق میں تقریر سنسر، حسن روحانی برہم
اومان: کرپشن کے الزام میں سابق وزیر کو تین سال قید
