نیوزی لینڈ (اصل میڈیا ڈیسک) نیوزی لینڈ میں موجود پاکستان کرکٹ اسکواڈ کے ایک اور رکن کا کورونا ٹیسٹ مثبت آ گیا جس کے بعد پاکستانی اسکواڈ میں مثبت کیسز کی تعداد 7 ہو گئی ہے۔
نیوزی لینڈ حکام کا کہنا ہے کہ آج رپورٹ ہونے والے کھلاڑی کے قریبی روابط کو ٹریس کرنے کا عمل جاری ہے، اسکواڈ کے دیگر ارکان کے نتائج منفی آئے ہیں۔
پاکستان ٹیم کے تین روز بعد پھر کورونا ٹیسٹ ہوں گے اور پاکستانی اسکواڈ کو ٹریننگ کی اجازت دینے سے متعلق فیصلہ اگلے ہفتے تک ہو گا۔
خیال رہے کہ اس سے پہلے بھی پاکستانی ٹیم کے 6 کھلاڑیوں کے کورونا ٹیسٹ مثبت آئے تھے جس پر نیوزی لینڈ کرکٹ بورڈ نے پی سی بی کو وارننگ دی تھی کہ اگر اب پاکستانی کھلاڑیوں نے کورونا ایس او پیز کی خلاف ورزی کی تو پاکستانی ٹیم کو واپس بھیج دیا جائے گا۔
فٹبال لیجنڈ ڈیاگو میرا ڈونا کی لاش کا پوسٹ مارٹم کرنے کا فیصلہ
پاکستانی نژاد آسٹریلوی کرکٹر فواد احمد کی والدہ کورونا سے چل بسیں
