مصطفی آباد/للیانی (نامہ نگار) ڈی سی او قصور کے حکم پر ٹی او آر کا تجاوزات کے خلاف آپریشن، عرصہ داراز سے قائم تجاوزات کا خاتمہ، وڈانہ اور بھلو بھی آپریشن کرنے کا مطالبہ، تفصیلات کے مطابق ڈی سی او قصور عدنان ارشد اولکھ کی خصوصی ہدایت و ٹی ایم او رائے محمد منشا کی زیر نگرانی ٹی او آر قصور و سی او یونٹ مصطفی آباد کے عملے نے عرصہ داراز سے قائم تجاوزات کے خلاف آپریشن کرتے ہوئے سروس روڈ پر قائم تجاوزات کا خاتمہ کر دیا، ٹی او آر محمدادریس نے دوکانداروں کو وارننگ دیتے ہوئے کہا کہ جس دوکان کے باہر تجاوزات قائم کی جائیں گے اس دوکاندار کو جرمانہ بھی ہو گا اور اس کے خلاف مقدمہ بھی درج ہو گا، جس دوکان کے باہر تجاوزات کھڑی کی جائیں وہ دوکاندار فوری طور پر سی او مصطفی آباد کو آگاہ کریں فوری کاروائی کی جائے گی، انہوں نے صحافیوں سے گفتگو کرتے ہوئے کہا کہ وڈانہ اور بھلو بھی تجاوزات کے خلاف جلد آپریشن کیا جائے گا۔
مصطفی آباد/للیانی(نامہ نگار)مقامی صحافی سید اسرار احمد زیدی شاہ کوسنگین نتائج کی دھمکیاں، اعلی حکام سے فوری نوٹس لیتے ہوئے تحفظ فراہم کرنے کا مطالبہ، صحافی برادری سراپہ احتجاج، تفصیلات کے مطابق مقامی صحافی ممبر پریس کلب مصطفی آباد للیانی(رجسٹرڈ) سید اسرار احمد زیدی شاہ نے کہا کہ بدوکی کے اختر، کاہنہ کے شمس الدین اور ٹھوکر نیاز بیگ کے قربان کے ساتھ میری مقدمہ بازی چل رہا ہے جو مجھے میرے گھر آ کر سنگین نتائج کی دھمکیاں دے رہے ہیں اور مسلسل میرے لئے پریشانی کا سبب بنے ہوئے ہیں مذکورہ افراد سے مجھے جانی و مالی نقصان کا اندیشہ ہے، اعلی حکام فوری نوٹس لیتے ہوئے مجھے مذکورہ افراد سے تحفظ فراہم کریں۔
مصطفی آباد/للیانی(نامہ نگار)مسلم لیگ ن کے نائب صدر ملک خرم نصراللہ کی رہائش گاہ پر نا معلوم افراد کی فائرنگ، ملک خرم نصراللہ کی رہائش رورل ہیلتھ سنٹر مصطفی آباد میںہیں ،پولیس تھانہ مصطفی آبادمصروف تفتیش، تفصیلات کے مطابق مسلم لیگ ن قصور کے ضلعی نائب صدر ملک خرم نصراللہ و رورل ہیلتھ سنٹر مصطفی آباد کیانچارج ڈاکٹر ثمرہ خرم کی سرکاری ہسپتال میں موجود رہائش گاہ پر نا معلوم افراد فائرنگ کرکے فرار ہو گئے، سیاسی و سماجی جماعتوں کے طرف سے اظہار مذمت، ملزمان کو جلد از جلد گرفتار کرنے کا مطالبہ، پولیس تھانہ مصطفی آباد مصروف تفتیش۔
محکمہ ایجوکیشن ورکس میں انجینئر نا ہونے کے باعث کروڑوں روپوں کی ترقیاتی اسکیمیں تعطل کا شکار
