ابوجا (جیوڈیسک) نائیجیریا میں 2 بم دھماکوں اور ایک خودکش حملے میں خواتین اور بچوں سمیت 58 افراد ہلاک جب کہ 139 زخمی ہوگئے۔
غیر ملکی خبر رساں ادارے کے مطابق نائیجیریا کے شمال مشرقی شہر میدوگوری میں 2 مصروف مارکیٹوں اورایک بس اسٹیشن کو دھماکوں سے نشانہ بنایا گیا۔ میدوگوری ریاست بورنوکادارالحکومت ہے۔ ایک خاتون خودکش بمبارنے میدوگوری کی باگامچھلی مارکیٹ میںاس وقت دھماکا کردیا جب شہری خریداری میں مصروف تھے۔ایک گھنٹے بعد ایک مصروف مارکیٹ میں ایک اوردھماکا ہوا۔
تیسرا دھماکا ایک بس اسٹیشن پرہوا۔ اس شک کا اظہارکیا جارہا ہے کہ دوسرا اور تیسرا دھماکا بھی خودکش تھا لیکن اس حوالے سے کوئی تصدیق نہیں ہوسکی۔ سرکاری حکام کے مطابق متعدد زخمیوں کی حالت نازک ہے جس سے ہلاکتوں میں
اضافے کا خدشہ ہے۔ دھماکوں کے بعد انسانی اعضا ہر طرف بکھرے ہوئے تھے۔ دھماکوں کے بعد فورسز نے آپریشن شروع کردیا۔ میدوگوری شہر ایک زمانے میں بوکوحرام تنظیم کا مرکز رہ چکا ہے جو کہ ملک میں اسلامی نظام کے نفاذ کے لیے پرتشدد کارروائیوں میں ملوث ہے۔
افغان حکومت طالبان کو 3 صوبے اور کابینہ میں حصہ دینے پر رضا مند
دھماکے کے بعد وائٹ ہاوس کو بند کردیا گیا
