اسلام آباد (جیوڈیسک) نو منتخب صدر ممنون حسین نے وزیراعظم میاں نواز شریف سے ملاقات کی، وزیر اعظم نے ان سے کہا، ممنون صاحب !امید ہے آپ قوم کی توقعات پر پورا اتریں گے۔ ذرائع کے ذرائع کے مطابق نو منتخب وزیر اعظم ممنون حسین نے وزیر اعظم ہاوس اسلام آباد میں میاں نواز شریف سے ملاقات کی۔ وزیرا عظم نے انہیں صدر مملکت منتخب ہونے پرمبارک باد دی اورکہا کہ صدر کا عہدہ وفاق کی علامت ہے، پارلیمنٹ سمیت صوبائی اسمبلیوں نے آپ کی قیادت پر اعتماد کا اظہار کیا ہے۔
ذارئع کے مطابق ممنون حسین نے اپنے اوپر اعتماد کرنے پر پارٹی قیادت کا شکریہ ادا کیا۔ ذرائع کے مطابق اس دوران ملک کی سیاسی صورتحال پر بھی تبادلہ خیال کیا گیا۔ ممنون حسین وزیر اعظم میاں نواز شریف کی طرف سے سفارتکاروں کے اعزاز میں افطار ڈنر میں بھی شرکت کر رہے ہیں جہاں سفارت کاروں نے بھی انہیں مبارک باد دی۔
فلسطین صرف عرب نہیں بلکہ عالم اسلام کا مسئلہ ہے، مذہبی و سیاسی رہنما
سندھ حکومت 15 ستمبر کو بلدیاتی الیکشن کرانے کیلئے تیار ہے، ایڈیشنل ایڈووکیٹ جنرل
