لاہور (جیوڈیسک) پیپلزپارٹی کے سینئر رہنما اورسینیٹ میں قائد حزب اختلاف چوہدری اعتزاز احسن نے کہاہے کہ اب عمران خان نہیں نواز شریف تنہا ہوں گے، اپوزیشن جماعتیں پاناما لیکس کے معاملے پر انٹرنیشنل آڈٹ فرم سے فارنسک آڈٹ پر متفق ہوگئی ہیں اورمیں نے عمران خان کی تقریر سے پہلے ان سے یہ بات منوالی تھی،مستقبل قریب میں فارنسک آڈٹ کے یک نکاتی ایجنڈے پر اپوزیشن الائنس بن سکتاہے۔
پیپلزپارٹی، پی ٹی آئی اور دیگر اپوزیشن جماعتیں آئندہ 3 ماہ میں قریب آجائیں گی۔ ایکسپریس سے خصوصی گفتگو کرتے ہوئے انھوں نے کہا کہ نواز شریف نے آصف زرداری سے ملاقات کیلیے رابطہ کیا تھا لیکن آصف زرداری نے انکار کردیا ہے۔ انھوں نے کہا کہ آصف زرداری وزیراعظم نوازشریف کے اپارٹمنٹ سے 3 منٹ کے فاصلے پرہیں، میری آج بھی آصف زرداری سے بات ہوئی ہے،آصف زرداری کا نوازشریف سے ملاقات کیلیے انکار برقرار ہے،نواز شریف چاہتے ہیں کہ چوہدری نثار آصف زرداری سے معافی مانگیں اورچوہدری نثار آصف زرداری سے دوبدو معافی مانگنا چاہتے ہیں،اس لیے نوازشریف چوہدری نثار کو ساتھ لے کرگئے ہیں۔
انھوں نے کہا نواز شریف کے خاندان نے لندن میں سرمایہ پیدا نہیں کیا،سرمایہ کہیں سے تو لندن پہنچاہے، اس کا پتا لگایا جا سکتا ہے،انٹرنیشنل فارنسک آڈٹ فرم اس کاکھوج لگائے گی۔ انھوں نے کہا شریف خاندان کی سادہ سیاست یہ ہے کہ’’ڈاھڈے کے آگے سانس نہ لیں اور ماڑے نوں ساہ نہ لین دیو‘‘۔
انھوں نے کہا وزیرداخلہ چوہدری نثار نے بڑے فخریہ انداز میں کہاہے کہ نواز شریف نے کبھی کچھ چھپایا نہیں،ا ن کے لندن میں اپارٹمنٹس ہیں،اس سے نثار علی خان نے نوازشریف کی پیٹھ میں چھرا گھونپ دیاہے،چوہدری نثار وزارت عظمیٰ کے امیدوار ہیں، اس لیے نواز شریف کے خلاف انکشافات کرتے ہیں،چوہدری نثار کا بیان نواز شریف کونااہل قرار دلوانے کیلیے ایک مکمل بیان ہے۔ انھوں نے کہا کہ نواز شریف کی جعلی تصویر دکھائی جارہی ہے،انھیں کوئی بیماری نہیں، لندن میں کوئی ڈاکٹر گاؤن پہنے بغیرمریض کوچیک نہیںکرتا۔
نواب اسلم رئیسانی کیخلاف نیب کا نیا کیس تیار
پاناما کے وزیر اقتصادیات کا اسحاق ڈار سے ملاقات کا دعوی، وزارت خزانہ کی تردید
