اسلام آباد (اصل میڈیا ڈیسک) عدم اعتماد کی تحریک پر قومی اسمبلی کا اجلاس بلانے کی آئینی مدت کا آج آخری دن ہے۔
تحریک عدم اعتماد کے معاملے پر حکومت نے قومی اسمبلی کا اجلاس 25 مارچ کو بلانے کا فیصلہ کیا ہے، 25 مارچ کو بھی اجلاس مرحوم ایم این اے کے لیے دعائے مغفرت کے بعد ملتوی کردیا جائے گا اور اس روز بھی تحریک عدم اعتماد پیش نہیں ہوگی۔
اسپیکر قومی اسمبلی اسد قیصر پہلے ہی کہہ چکے ہیں کہ اجلاس بلا کر جب تک چاہوں ملتوی کر دوں۔
اپوزیشن نے حکومت کے اقدام کو غیر آئینی قرار دے کر قانونی کارروائی کا فیصلہ کر لیا ہے۔
اس حوالے سے اپوزیشن کا ایک اجلاس ہوا جس میں ایاز صادق، فاروق نائیک، شیری رحمان، زاہد حامد اور سینیٹر کامران مرتضیٰ نے بھی شرکت کی۔
حکومتی شخصیات سے ملاقات میں بزدار کو ہٹانے کا نہیں کہا: عون چوہدری
عمران خان نے انتقام میں عوام کا جتنا پیسہ بہایا ہے اس کا حساب ہوگا، مریم نواز
