کراچی (اصل میڈیا ڈیسک) امکان ہے کہ تحریک عدم اعتماد کے حوالے سے ایم کیو ایم پاکستان اپنے فیصلے کا اعلان اوآئی سی وزرائے خارجہ اجلاس کے بعد کرے گی۔اس سے قبل کارکنوں سے رائے لینے اور رابطہ کمیٹی مزید مشاورت بھی مکمل کرے گی.
منگل کو اسلام آباد میں تحریک انصاف کے وفد سے پارلیمنٹ لاجز میں ہونے والی ملاقات میں ایم کیو ایم نے حکمراں جماعت کے وفد کو واضح یقین دہانی نہیں کرائی.
ملاقات میں گورنر سندھ عمران اسماعیل،وفاقی وزیراسد عمر اور علی زیدی شریک تھے۔جس میں موجودہ سیاسی صورتحال پر تفصیلی تبادلہ خیال کیا گیا.
ایم کیو ایم پاکستان نے کہا کہ کوئی بھی فیصلہ جمہوریت کے منافی نہ قبول ہوگا نہ اس کا ساتھ دیں گے‘ایم کیو ایم کا فیصلہ ملک و قوم کے مفاد اور جمہوری روایات کے عین مطابق ہی ہوگا۔
کورونا وبا؛ مزید 4 افراد جاں بحق، 493 مثبت کیسز رپورٹ
خان صاحب نے سب سے ہاتھ کیا ہے: پرویز الہی
