کراچی (اصل میڈیا ڈیسک) احتساب عدالت نے نوری آباد پاور پلانٹ کیس میں وزیراعلیٰ سندھ پر فرد جرم کی کارروائی مؤخر کرتے ہوئے نئی تاریخ مقرر کر دی۔
وزیراعلیٰ سندھ مراد علی شاہ نوری آباد پاور پلانٹ منی لانڈرنگ کیس میں احتساب عدالت میں پیش ہوئے جہاں سماعت کے دوران عدالت کو بتایا گیا کہ کیس کا شریک ملزم سلطان فاروق کورونا سے متاثر ہے جس کے باعث وہ عدالت میں پیش نہیں ہوا۔
عدالت نے شریک ملزم کی عدم حاضری کے باعث فرد جرم کی کارروائی مؤخر کردی اور مراد علی شاہ پر فرد جرم کے لیے 17 نومبر کی تاریخ مقرر کی۔
دوسری جانب کیس کے ایک اور شریک ملزم نیاز علی شیخ نے ترمیمی آرڈیننس کے تحت بریت کی درخواست دائر کر دی جس پر عدالت نے نیب کو نوٹس جاری کرتے ہوئے جواب طلب کرلیا۔
امریکا سے فائزر ویکسین کی مزید 13 لاکھ خوراکیں پاکستان پہنچ گئیں
وفاقی حکومت نے ایک اور نیب ترمیمی آرڈیننس جاری کر دیا
