پیانگ یانگ (جیوڈیسک) شمالی کوریا کی فوج کے سربراہ جنرل ری یونگ گل کو کرپشن الزامات ثابت ہونے پر سزائے موت دے دی گئی۔
برطانوی نشریاتی ادارے کے مطابق جنوبی کوریا کے سرکاری خبر رساں ادارے “یونہاپ” نے صورتحال سے باخبر ذرائع کے حوالے سے کہا ہے کہ جنرل ری کو بدعنوانی اور ذاتی فوائد حاصل کرنے کے الزامات ثابت ہونے پر رواں ماہ ہی موت کی سزا سنائی گئی تھی جس پر باقاعدہ طور پر عملدرآمد کر دیا گیا ہے۔
شمالی کوریا کے سربراہ کم جونگ ان نے جرنل ری کو 2013 میں ملک کی پیپلزآرمی کا چیف آف دی جنرل اسٹاف مقررکیا تھا تاہم انہیں ذاتی فوائد حاصل کرنے اور بدعنوانی کے پیش نظر سزائے موت دی گئی۔ جنرل ری نے چیف آف جنرل اسٹاف کے عہدے پر تعینات ہونے کے بعد 3 دسمبر 2014 کو پاکستان کا دورہ بھی کیا تھا جس میں انہوں نے وزیر برائے دفاعی پیداوار رانا تنویر حسین سے ملاقات کی تھی۔
واضح رہے کہ شمالی کوریا میں سنہ 2011 میں کم جونگ ان کے برسرِاقتدار آنے کے بعد سے ان کے احکامات پر ان کے قریبی رشتہ دار جنگ سونگ تھائیک سمیت کئی حکومتی عہدیداران کو مختلف الزامات کے تحت سزائے موت دی جا چکی ہے اور گزشتہ برس اپریل میں بھی ان کے حکم پر ملک کے وزیردفاع ہیؤن یونگ چول کو طیارہ شکن توپ سے فائرنگ کر کے ہلاک کیا گیا تھا۔
امریکی ریاست نیو ہیمپشائر میں صدارتی امیدوار ڈونلڈ ٹرمپ نے میدان مارلیا
پاکستان اور بھارت کو دہشت گردی کے خلاف مل کر کام کرنا ہو گا، امریکا
