اسلام آباد (جیوڈیسک) وزیراعظم نواز شریف کی زیر قیادت مسلم لیگ ن کے اجلاس میں کہا گیا ہے کہ پاکستان اپنی تاریخ کی فیصلہ کن جنگ لڑ رہا ہے۔ اس میں کامیابی قومی اتحاد سے وابستہ ہے۔ اسلام آباد میں مسلم لیگ ن کے سینئر رہنماوں کا اجلاس ہوا۔ صدارت وزیراعظم نواز شریف نے کی۔ اجلاس کے دوران شمالی وزیرستان میں جاری آپریشن سے متعلق امور کا جائزہ لیا گیا۔
اجلاس کے بعد جاری اعلامیے میں کہا گیا کہ آپریشن کی کامیابی قومی اتحاد سے وابستہ ہے۔ پاکستان اپنی تاریخ کی فیصلہ کن جنگ لڑ رہا ہے۔ انشا اللہ اس جنگ میں دہشت گردوں کو شکست ہو گی۔ اعلامیے میں کہا گیا کہ شورش زدہ علاقوں میں جوانوں کو ہر ممکن سہولتیں فراہم کی جائیں گی اور نقل مکانی کرنے والے افراد کی دیکھ بھال کے لیے خیبر پختون خواحکومت کو تمام وسائل فراہم کیے جائیں گے۔
اجلاس میں وزیراعلیٰ پنجاب شہبازشریف نے سانحہ لاہور پر بریفنگ بھی دی۔ انہوں نے کہا کہ سانحہ لاہور میں ملوث عناصر کے خلاف سخت کارروائی کی جائے گی، ان کا کہنا تھا کہ انصاف پر کسی بھی قیمت پر سمجھوتہ نہیں کیا جائے گا۔
سانحہ ماڈل ٹاؤن؛ عدالتی تحقیقات کے پہلے روز ہی حکام ادھوری رپورٹ کیساتھ کمیشن کے سامنے پیش
فائرنگ سے زخمی رکن اسمبلی طاہرہ آصف کی حالت نازک، آئی سی یو منتقل
