شمالی وزیرستان (جیوڈیسک) میران شاہ کی تحصیل دتہ خیل میں امریکی ڈرون حملے کے نتیجے میں 4 افراد ہلاک اور ایک زخمی ہو گیا۔ امریکی ڈرون طیارے نے پاک افغان سرحد کے قریب شمالی وزیرستان کی تحصیل دتہ خیل کے علاقے لومان میں ایک گاڑی پر 2 میزائل فائر کئے۔
جس کے نتیجے میں 4 افراد ہلاک اور ایک زخمی ہو گیا۔ ڈرون حملے کے بعد علاقہ میں خوف و ہراس پھیل کیا جب کہ مقامی افراد نے حملے میں زخمی ہونے والے شخص کو طبی امداد کے لئے قریبی اسپتال منتقل کیا جہاں اسے طبی امداد دی جا رہی ہے۔
واضح رہے کہ یہ گزشتہ 5 روز میں امریکی ڈرون طیاروں کا شمالی وزیرستان میں پانچواں ڈرون حملہ ہے جس کے نتیجے میں اب تک 28 افراد ہلاک اور متعدد زخمی ہو چکے ہیں۔ دو روز قبل بھی امریکی ڈرون طیاروں نے دتہ خیل کے علاقوں کنڈ غر اور کونسٹر میں گاڑی اور ایک گھر پر متعدد میزائل فائر کئے جس کے نتیجے میں 8 افراد ہلاک اور متعدد زخمی ہو گئے تھے۔
وفاق سے تعلق ختم، صوبائی ایچ ای سی جامعات کی انتظامی حیثیت کا تعین کرے گا
پنجاب میں ڈینگی کے مزید 17 مریض سامنے آگئے
