سری نگر (جیوڈیسک) مقبوضہ کشمیر میں نہتے کشمیریوں پر بھارتی مظالم اور ’جیل بھرو مہم‘ کے خلاف حریت رہنماؤں کی ریلی میں ایک بار پھر سبز ہلالی پرچم بلند اور پاکستان زندہ باد کے نعرے لگا دیئے گئے۔
سری نگر سمیت مقبوضہ کشمیر کے مختلف شہروں میں بھارتی مظالم اور ’جیل بھرو مہم‘ کے خلاف ریلیاں نکالی گئیں۔ سری نگر میں بھی حریت رہنما شبیر شاہ کی قیادت میں ریلی نکالی گئی جس میں ایک بار پھر پاکستانی پرچم لہرا دیا گیا، بھارتی مظالم کے خلاف نکالی جانے والی ریلی کے شرکاء نے پاکستان زندہ باد اور بھارت مردہ باد، پاکستان سے رشتہ کیا لا الہ اللہ کے نعرے بھی لگائے۔
دوسری جانب بھارتی فوج نے روایتی ہٹ دھرمی کا مظاہرہ کرتے ہوئے اپنے حقوق کے لئے آواز بلند کرنے والے درجنوں نہتے کشمیریوں کو گرفتار کرلیا جب کہ سری نگر میں حریت رہنما یاسین ملک کو بھی نظر بند کردیا۔
واضح رہے کہ اس سے قبل بھی گزشتہ ایک ماہ کے دوران متعدد بار بھارتی مظالم کے خلاف نکالی جانے والی ریلی میں سبز ہلالی پرچیم لہرایا جاچکا ہے جبکہ پاکستان کے حق میں نعرے لگائے گئے۔
سعودی عرب میں مسجد کے باہر دھماکہ، دو افراد شہید
روہنگیا مسلمانوں کے مسئلہ پر ہم پر انگلی نہ اٹھائی جائے، میانمار
