سری نگر (جیوڈیسک) مقبوضہ کشمیر کے عوام اور حریت رہنماؤں کی پاکستان سے والہانہ محبت اور عقیدت کسی سے ڈھکی چھپی نہیں جس کا اظہار وہاں کی عوام وقتاً فوقتاً کرتے رہتے ہیں اور پاکستان کے 69 ویں یوم آزادی کے موقع پر بھی وہاں سبز ہلالی پرچم لہرا دیا گیا ہے۔
کشمیر میڈیا سروس کے مطابق مقبوضہ کشمیر میں حریت رہنماؤں کی جانب سے پاکستان سے اپنی محبت کے اظہار میں جشن آزادی کے موقع پر ریلیاں نکالی جا رہی ہیں اور پاکستان کے حق میں نعرے لگائے جا رہے ہیں۔ خاتون حریت رہنما آسیہ اندرابی نے ایک بار پھر سری نگر میں پاکستانی پرچم لہرایا جب کہ خواتین نے آسیہ اندرابی کے ہمراہ پاکستانی ملی نغمے گائے۔
واضح رہے کہ آسیہ اندرانی نے چند ماہ قبل بھی سری نگر میں اپنی رہائش گاہ پر پاکستانی پرچم لہرایا تھا جس کی پاداش میں ان کے خلاف غداری کا مقدمہ درج کرلیا گیا تھا۔
قوم دہشت گردی سے نجات کے لئے پاک فوج کے شانہ بشانہ کھڑی ہے، صدر ممنون حسین
القاعدہ کے سربراہ ایمن الظواہری کا ملا اختر منصور کی بیعت کا اعلان
