سری نگر (جیوڈیسک) مقبوضہ کشمیر میں بھارتی فوج کی ریاستی دہشت گردی جاری ہے اور گزشتہ روز بھارتی فوج نے اپنی ظالمانہ کارروائی کے دوران مزید 5 کشمیریوں کو مجاہد قرار دے کر شہید کردیا۔
بھارتی فوج نے5 نوجوانوں کو ضلع شوپیاں کے علاقے کلیر میں محاصرے اور تلاشی کی کارروائی کے دوران شہید کیا۔ اس سلسلے میں انسپکٹر جنرل پولیس عبدالغنی میر نے دعویٰ کیا ہے کہ پولیس اور فوج نے خفیہ اطلاع ملنے پر سری نگر کے جنوب میں واقع گادھر کے جنگلات کا محاصرہ کیا تو جھڑپ شروع ہو گئی جس کے دوران پانچوں مجاہد شہید ہو گئے۔
ان کا کہنا تھا کہ شہید ہونے والے پانچوں افراد کی شناخت کا عمل مکمل کیا جا رہا ہے۔ بھارتی فوج کے ترجمان لیفٹیننٹ کرنل نیتن این جوشی نے بتایا کہ مجاہدین کے ساتھ جھڑپ 10 گھنٹے تک جاری رہی جس میں پانچوں ہلاک ہوگئے جب کہ علاقے کا محاصرہ جاری ہے۔
روس میں بڑھتی مہنگائی سے عوام پریشان، حکومت سے ریلیف کا مطالبہ
بیلجیئم: پولیس کاروائی کے دوران دو دہشت گرد مارے گئے
