پرویز الٰہی دور میں 60 لاکھ روپے سے زائد مالیت سے نصب کیئے جانے والا پیوریفیکیشن پلانٹ گزشتہ ایک سال سے بند کروڑ لعل عیسن ( نامہ نگار) پرویز الٰہی دور میں 60 لاکھ روپے سے زائد مالیت سے نصب کیئے جانے والا پیوریفیکیشن پلانٹ گزشتہ ایک سال سے بند پڑا ہے۔ پلانٹ کے فلٹر اور ضروری سامان تبدیل نہ کیا گیا ہے۔ جس کے باعث پلانٹ کا پانی میعار کے مطابق نہ ہے۔ کروڑ لعل عیسن کے عوامی ، سماجی اور شہری حلقوں نے متعدد بار ٹی ایم اے کروڑ کی توجہ کروڑ کے واحد پینے کے صاف پانی کی جانب مبذول کروائی لیکن ٹی ایم او نے ایک نہ سنی۔ 60 لاکھ روپے سے زائد مالیت کے اس پلانٹ پر 3 سے 4 افراد کی ڈیوٹیاں ہیں۔ لیکن ان کے ذمے کوئی کام نہ ہے۔ ان حلقوں نے ڈی سی او لیہ رانا گلزار احمد سے مطالبہ کیا کہ آلودہ پانی کے باعث لوگوں میں بیماریاں بڑھ رہی ہیں۔ کروڑ لعل عیسن کے پیوری فیکیشن پلانٹ کو فی الفور میعار کے مطابق فنکشنل کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ انجمن آڑھتیان کروڑ کے وفد کی ڈی سی او لیہ رانا گلزار احمد سے ملاقات۔ ملاقات میں کروڑ سبزی منڈی اور غلہ منڈی
کروڑ لعل عیسن ( نامہ نگار) انجمن آڑھتیان کروڑ کے وفد کی ڈی سی او لیہ رانا گلزار احمد سے ملاقات۔ ملاقات میں کروڑ سبزی منڈی اور غلہ منڈی کی نئی جگہ پر منتقلی کے حوالے سے بات چیت۔ ڈی سی او لیہ نے مسئلہ کو جلد حل کرنے کی یقین دہانی کروا دی۔ تفصیل کے مطابق سبزی منڈی کروڑ کے وفد جس میں صدر انجمن آڑھتیان طارق پہاڑ ، حاجی اسحاق انصاری ، ملک امان اللہ جکھڑ ، عبدالحمید خان اور شیخ عتیق الرحمن شامل تھے نے ڈی سی او لیہ رانا گلزار احمد کو بتایا کہ گزشتہ 2 سال سے مارکیٹ کمیٹی نے سبزی اور غلہ منڈی کیلئے 4 کروڑ روپے کی مالیت سے 6 ایکڑ زمین خرید کی تھی۔ جس کے بعد سبزی و غلہ منڈی کے آڑھتیوں کے منتقل ہونا تھا۔ لیکن وکلاء نے بغیر کسی وجہ کے جگہ پر قبضہ کر کے عارضی حکم امتناعی حاصل کر لیا تھا۔ جو کہ 2 سال سے عارضی حکم امتناعی چلایا جا رہا ہے۔ طارق پہاڑ نے سبزی منڈی کے آڑھتیوں کے دیگر مسائل بھی بیان کیئے۔ جس پر ڈی سی او نے مسئلے کو جلد حل کروانے کی یقین دہانی کرواتے ہوئے اے سی کروڑ تنویر یزدان جو کہ موقع پر موجود تھے کو ایک ہفتے میں رپورٹ پیش کرنے کا حکم دیا۔ اس موقع پر ایڈشنل کمشنر ڈاکٹر لبنیٰ نذیر بھی موجود تھیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آڑھتی سبزی و فروٹ بولی کے ذریعے فروخت کریں۔ موجودہ حکومت عوام کو زیادہ سے زیادہ ریلیف دینے کیلئے کوششیں کر رہی ہے۔ کروڑ لعل عیسن ( نامہ نگار) آڑھتی سبزی و فروٹ بولی کے ذریعے فروخت کریں۔ موجودہ حکومت عوام کو زیادہ سے زیادہ ریلیف دینے کیلئے کوششیں کر رہی ہے۔ مارکیٹ کمیٹی مختلف منڈیوں میں مانیٹرنگ کے ذریعے مناسب منافع پر ریٹ لسٹیں مہیا کرتی ہے۔ جس سے زائد وصولی قانوناً جرم ہے۔ ان خیالات کا اظہار اے سی کروڑ تنویر یزدان نے گزشتہ روز صبح سبزی منڈی میں بولی کی مانیٹرنگ کے موقع پر کیا۔ انہوں نے اس دوران سبزی منڈی کروڑ کے صدر طارق پہاڑ ، سرپرست شیخ محمد ایوب ، عبدالواحد انصاری حاجی اسحاق انصاری ، حاجی خورشید انصاری ، حاجی غلام فاروق ، مہربان خان ، عبدالحمید خان ، ملک امان اللہ ، ملک خضر اور لکھ ، شیخ نذیر حسین ، محمد رمضان ساجد ، شیخ عتیق الرحمن سمیت دیگر آڑھتیوں سے ملاقات میں اس بات پر زور دیا کہ سبزی منڈی میں سبزی و فروٹ بولی کے ذریعے ہی فروخت کریں۔ تاکہ لوگوں کو مناسب نرخوں پر سبزی و فروٹ دستیاب ہو سکے۔
