میرے پیارے نبی احمد مجتبیٰ محمد مصطفیۖ کا ارشاد مبارک ہے کہ” جس نے یتیم کی کفالت کی وہ روز قیامت میرے ساتھ ایسے ہوگا”،آپ ۖ نے اپنی دونوں انگلیوں کو ایک ساتھ کرتے صحابہ کرام کو اشارہ کیا۔یقینا امت محمدی ۖ کے لئے اس سے بڑھ کو اور کیا خوشخبری ہو سکتی ہے کہ جب اللہ کے آخری نبی ۖ انہیں اپنی رفاقت کا آسان راستہ بتا دیں اب یہ ہم پہ منحصر ہے کہ ہم اللہ کے پیارے نبیۖ کی رفاقت حاصل کرنے کے لئے کتنی تگ ودو کرتے ہیں۔تاہم ہمارے اردگرد سینکڑوں ایسے خداترس افراد موجود ہیں جو نہ صرف یتیموں کی کفالت کرتے نظرآتے ہیں بلکہ اپنے اردگر د کے لوگوں کو بھی اس کارخیر میں اپنا حصہ ڈالنے کی درخواست اور سعی کرتے ہیں۔
انہی خداترس افراد میں ایک تنظیم ”تنظیم اساتذہ پاکستان ”کی بھی ہے،جو ہمہ وقت تعلیم عام کرنے کے علاوہ یتیموں ،غریبوں اور بیوائو ں کی مدد کرنے میں کسی قسم کی کوئی کسر نہ اٹھا رکھتے ہیں۔بنیادی طور پر تنظیم اساتذہ سرکاری سکولوں ،کالجز اور یونیورسٹیز میں پڑھانے والے معلمین کی ہے جو اپنی استطاعت کے مطابق معاشرہ کے بے سہار ا افراد کی مدد کرنے میں کوشاں نظرآتے ہیں۔
تنظیم اساتذہ جیسا کہ ذکرہوا کہ پاکستان بھر کے اساتذہ کی تنظیم ہے اس لئے یہ کہنا غلط نہ ہوگا کہ تنظیم اساتذہ کی بدولت ملک بھرمیں معیار تعلیم بھی بہتر ہوا،تنظیم کی جانب سے شرح خواندگی کے لئے اقدامات بھی کسی سے ڈھکے چھپے نہیں،نہ صرف یہ بلکہ کسی بھی قدرتی آفات میں تنظیم اساتذہ نے اپنا بھرپور کردار اداکرکے ملک خداداد کے ذمہ دار شہری ہونے کا بین ثبوت دیا ہے۔
اسی تنظیم کے زیراہتمام گزشتہ روز پشاور میں ایک پروقار تقریب کا انعقاد کیا گیا جس میں پشاور کے سینکڑوں بچوں ،بچیوں کو میرٹ پر سکول یونیفارم وسٹیشنری وغیرہ دیے گئے تاکہ معاشرے یہ بچے بھی اپنے آپ کو اکیلے نہ سمجھیں اور اپنی تعلیم کو جاری رکھ کر ملک وقوم کی ترقی میں اپنا کردار اداکریں۔تقریب پشاور کے ایک ہال میں منعقد کی گئی تھی،جس میں سرکاری سکولوںکے بچوں بچیوں سمیت اساتذہ کی بھی کثیر تعداد موجود تھی،اس موقع پر آئے ہوئے اساتذہ نے بچوں بچیوں کو پیغام دیتے ہوئے کہاکہ دراصل تعلیم ہی کی بدولت ترقی ممکن ہے۔
آج تنظیم اساتذہ نے آپ کی تھوڑی بہت مالی معاونت کردی ہے تاکہ آپ لوگ بھی اپنی تعلیم جاری رکھتے ہوئے ملکی ترقی میںاپنا مثبت کردار اداکرسکیں۔اسکے علاوہ آپ خود کو اکیلا نہ سمجھیں بلکہ اسی معاشرے کا حصہ سمجھ کر دیگر عام بچوں بچیوں کی طرح معاشرے میں علم کی روشنی پھیلائیں۔بہرکیف تنظیم اساتذہ نہ صرف تعلیمی شرح خواندگی کے لئے کوشاں نظرآتی ہے بلکہ ساتھ اسی تنظیم نے ہر پلیٹ فارم سے اساتذہ کے حقوق کی بھی بھرپور جنگ لڑی ہے،جس کی جتنی تعریف کی جائے کم ہو گی۔
وزیر اعظم کا دورہ ایران تاریخی نہیں بن سکا
ہماری پی ٹی آئی
