کراچی (اسپورٹس رپورٹر) اُسامہ اسپورٹس اور رحیم محمڈن کے زیر اہتمام پنجاب گرائونڈ شاہ فیصل ٹائون میں جاری پہلا آل کراچی سید نواب شاہ میموریل فٹ بال ٹورنامنٹ میں کھیلے گئے اہم میچ میں ملیر کی معروف ٹیم بلوچ یوتھ ملیر نے لیاری کے نوجوانوں پر مشتمل مضبوط ٹیم با بل اسپورٹس لیاری کو پنالٹی ککس مرحلے میں 4-3سے شکست دیکر اگلے مرحلے کے لئے کوالیفائی کرلیا دوران کھیل دونوں ٹیموں نے شاندار کھیل کا مظاہرہ کیا دفاعی لائن کی مضبوطی کی بدولت کوئی بھی ٹیم گول کرنے میں کامیاب نہ ہوسکی ۔
کھیل کی خاس بات دونوں ٹیموں کے گول کیپرز کا شاندار کھیل رہا جنہوں نے کئی یقینی گول بچا کر میچ برابری پر ختم کیا ۔میچ کے اختتام پر مہمان خصوصی نیشنل بنک آف پاکستان کے اسپورٹس کنسلٹنٹ حاجی غلام محمد خان کا دونوں ٹیموں سے تعارف کرایا گیا اس موقع پر شاہ فیصل زون بلدیہ کورنگی کے انفارمیشن آفیسر محمد ارشد ،ٹورنامنٹ کے چیف آرگنائزر حاجی محمد الیاس خان ،نیشنل بنک کے پبلک ریلیشن آفیسر عظمت اللہ خان ،رائولپنڈی ٹیکسلا سے آئے ہوئے مہمان مزمل ،سلیم چکوالیہ ،سیف اللہ خان ،محمد پرویز قاسو ،گل حسن ،اختر ریاض مائیکل ،سلیم شاہ اور پرویز خان مووجد تھے کھیلے گئے میچ میں ریفریز کے فرائض ختر ریاض مائیکل ،سلیم شاہ ،اور پرویز خان نے انجام دیئے جبکہ میچ کمشنر گل حسن بلوچ اور میڈیا کوارڈینٹر شیر افضل تھے ۔
ہفتہ رفتہ؛ اوپن مارکیٹ میں روئی کے بھاؤ 6000 روپے من تک پہنچ گئے
لائٹ آف بلوچ نے کلفٹن شاہین اور رانگی واڑہ اسپورٹس نے انور عیسیٰ میموریل کو شکست دیدی
