کوئٹہ(جیوڈیسک)کوئٹہ نگراں وزیراعلی بلوچستان نواب غوث بخش باروزئی نے کہا ہے کہ ان کے بیرون ملک بیٹھے بلوچ رہنماوں سے رابطے ہیں، انہیں یقین ہے کہ سردار اخترمینگل انتخابات کا بائیکاٹ نہیں کریں گے۔ کوئٹہ میں جمعیت علمائے اسلام (ف) کے صوبائی امیرمولانا محمد خان شیرانی سے ملاقات کے بعدذرائع سے بات چیت کرتے ہوئے غوث بخش باروزئی کا کہنا تھا۔
بلوچستان میں امن وامان کی صورتحال بہتر ہے، الیکشن کمیشن اور نادرا کے دفتر پر حملوں کے ملزمان کی گرفتاری کیلئے اقدامات کئے جارہے ہیں۔ نگراں صوبائی کابینہ کی تشکیل کے متعلق ان کا کہنا تھا کہ نگراں کابینہ جلد تشکیل پاجائے گی۔ اس موقع پر مولانا محمد خان شیرانی کا کہنا تھا کہ ان کی جماعت کو انتخابات کے سلسلے میں کوئی تحفظات نہیں ہیں۔
لاہور: رات گئے کہیں ہلکی ،کہیں تیز بارش، موسم خوشگوار
تحریک انصاف نے انتخابات کے لیے امیدواروں کا اعلان کردیا
