پاک فوج ہر خطرے سے نمٹنے کیلئے تیار ہے: آرمی چیف

Posted on November 9, 2016 By Majid Khan اہم ترین, دوسرے شہروں سے, مقامی خبریں

General Raheel Sharif

کھاریاں (جیوڈیسک) آرمی چیف جنرل راحیل شریف نے کھاریاں کا دورہ کیا اور وہاں جاری فوجی مشقوں کا معائنہ کیا۔

اس موقع پر افسروں اور جوانوں سے خطاب کرتے ہوئے آرمی چیف کا کہنا تھا کہ مشکل صورتحال کے باوجود ہمارے عزم کو پوری دنیا میں تسلیم کیا جاتا ہے۔

ان مشقوں نے جنگی تیاریوں کے حوالے سے ہمارے اعتماد میں مزید اضافہ کیا۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف نے اپنا عزم دہراتے ہوئے کہا کہ کسی بھی دشمن نے سٹرٹیجک غلطی کی تو بھرپور جواب ملے گا۔

پاک فوج ہر خطرے سے نمٹنے اور کسی بھی دشمن کو بھرپور جواب دینے کیلئے تیار ہے۔