اسلام آباد (جیوڈیسک) دفتر خارجہ نے افغان حکومت کا الزام مسترد کرتے ہوئے کہا ہے کہ افغان حکام کے بے بنیاد اور من گھڑت الزامات سے دونوں ممالک کی امن کوششیں متاثر ہوں گی۔
دفتر خارجہ کی جانب سے جاری کردہ بیان کے مطابق ترجمان تسنیم اسلم نے کہا ہے کہ یہ ایک مسلمہ حقیقت ہے کہ دہشت گرد افغان علاقوں سے پاکستان کی مسلح افواج پر حملے کر رہے ہیں۔
لیکن پاک فوج نے اپنے دفاع میں ہمیشہ تحمل اور ذمہ داری کا مظاہرہ کیا، پاکستانی فوجیوں نے صوبہ کنڑ میں کسی قسم کی کارروائی نہیں کی اس سلسلے میں افغان حکومت کا الزام بے بنیاد اور گمراہ کن ہے۔
تسنیم اسلم کا کہنا تھا کہ پاکستان افغان عوام کے ساتھ دوستانہ تعلقات کا حامی ہے، پاکستان کو امید ہے کہ افغان حکومت کسی ایسے اقدام سے گریز کرے گی جس سے سرحدوں پر امن اور استحکام کو نقصان ہو۔
پاکستان دہشت گردی کے خاتمے کے لئے بڑے پیمانے پر کارروائیوں میں مصروف ہے اور سمجھتا ہے کہ افغان حکام کے ایسے بے بنیاد الزامات سے نہ صرف ماحول بلکہ دونوں ممالک کی امن کوششیں بھی متاثر ہوں گی۔
خصوصی عدالت میں مشرف غداری کیس کی سماعت
طاہر القادری آئے اپنی خوشی سے، جائیں گے قانون مرضی سے: پرویز رشید
