اسلام آباد(جیوڈیسک) وفاقی وزیر اطلاعات و نشریات سینیٹر پرویز رشید کہتے ہیں کہ ایران کے جوہری تنازع کا معاملہ حل ہونے کے بعد پاک ایران گیس پائپ لائن منصوبے کو تیز رفتاری سے مکمل کیا جائے گا۔
سرکاری نشریاتی ادارے سے بات کرتے ہوئے وفاقی وزیرکا کہنا تھا کہ ملک کو درپیش توانائی کے بحران کے خاتمے کے لئے پاک ایران گیس پائپ لائن منصوبہ انتہائی اہمیت کا حامل ہے، پاکستان تمام ترعالمی دباؤ کے باوجود اس منصوبے سے دستبردارنہیں ہوا۔
ایران اورعالمی طاقتوں کے درمیان جوہری معاہدے نے پاکستان کو اس منصوبے کی تکمیل کے لئے بہترین موقع فراہم کیا ہے، جس کا بھرپورفائدہ اٹھایا جائے گا اور گیس پائپ لائن منصوبے کو تیزرفتاری سے مکمل کیا جائے گا۔ اس منصوبے سے ملک میں صنعتی ترقی اوربے روزگاری کے خاتمے میں مدد ملے گی۔
ایم کیوایم کے رہنما قمرمنصور راہداری ریمانڈ پررینجرز کے حوالے
لاہور سمیت مختلف شہروں میں بارش، دریائے سندھ، کابل اور جہلم میں سیلاب
