پاکستان میں تعینات الجیریا کے سفیر ڈاکٹر احمد بن فلس نے پاکستان اور الجیریا کے درمیان تجارتی اور معاشی شعبوں میں تعاون کو مذید فروغ دینے کی ضرورت پر زور دیتے ہوئے کہا ہے کہ دونوں ممالک کی تاجر برادری کے درمیان براہ راست رابطے قائم کرنے سے دوطرفہ معاشی تعلقات مذید بہتر ہوسکتے ہیں۔
اسلا م آباد چیمبر آف کامرس اینڈ انڈسٹری کے دورہ کے موقع پر تاجروں سے خطاب کرتے ہوئے انہوں نے کہا کہ الجیریا معاشی اور سماجی حوالے سے اصلاحات کر رہا ہے ، الجیریا میں تیل اور گیس کے وسیع ذخائر موجود ہیں اور وہ برادر ملک پاکستان کو بھی ایل پی جی بر آمد کر سکتے ہیں۔
پاکستانی تاجر برادری الجیریا میں ہونے والی نمائشوں میں شرکت کریں اور اپنے ملک کی مصنوعات کو متعارف کرائیں ،اس موقع پراسلام آباد چیمبر آف کامرس اینڈ انڈسٹری کے صدر ظفر بختاوری نے کہا کہ پاکستان اس وقت توانائی کے شدید بحران سے دو چار ہے ،الجیریا کو چائیے کہ وہ توانائی کے شعبے میں پاکستان سے تعاون کرے ، انہوں نے کہا کہ پاکستان بھی الجیریا کو ادویات، گارمنٹس اور چاول برآمدکر سکتا ہے۔
اے ڈی بی کی ٹیم کا زرعی ترقیاتی بنک کا دورہ
پی ایس او نے جدید ٹیکنا لوجی سے تیار پی ایس او اسمارٹ کارڈ متعارف کرا دیا
