پشاور (جیوڈیسک) خیبرپختونخوا کے گورنر سردار مہتاب احمد خان نے کہا ہے کہ ہمیں نوجوانوں کو تعمیری سرگرمیوں میں مصروف رکھنے کے لئے اقدامات کرنے ہوں گے۔
پاک فوج دہشتگردی کے خلاف جہاد جاری رکھے ہوئے ہے ۔انشا اللہ ملک میں پائیدار امن جلد بحال ہوگا۔ گورنرخیبرپختونخوا سردار مہتاب احمد خان نے متنی تختہ بیگ بائی پاس روڈ کا افتتاح کرلیا۔
28 کلومیٹر طویل اس سڑک کی تعمیر پر ایک ہزار 118 ملین روپے لاگت آئے گی۔تقریب سے خطاب میں گورنر سردار مہتاب کا کہنا تھا کہ متنی تختہ بیگ روڈ سے پورے خطے میں معاشی سرگرمیاں بڑھیں گی۔
ایف ڈبلیو او سے کہا ہے کہ مقررہ وقت سے پہلے منصوبے کو مکمل کیا جائے۔گورنر نے کہا کہ ہمیں نوجوانوں کوکسی ایسےکام میں نہیں ڈالناجس سےبےامنی پیدا ہو۔گورنر نے باڑہ بازار میں بحالی کے مرکز کا افتتاح کیا۔ اس مرکز میں شدت پسندی سے تائب افراد کی ذہنی تربیت کی جائے گی۔
کراچی آپریشن پر ایم کیو ایم کے تحفظات دور کئے جائیں گے، چوہدری نثار
ایم کیوایم کے ہتک عزت کے دعوے کا جواب داخل نہ کرانے پر عمران خان کو جرمانہ
