کراچی (جیوڈیسک) سندھ بھر میں چینی باشندوں کو سکیورٹی فراہم کرنے کے لئے 15 ستمبر کو وزیر اعظم کی زیر صدارت ایپکس کمیٹی کے اجلاس میں ایک ہزار ریٹائرڈ فوجیوں پر مشتمل فورس بنانے کا فیصلہ کیا گیا تھا، جس کے بعد وزرات داخلہ سندھ کی جانب سے فورس کے قیام کے لئے آئی جی سندھ کو متعدد خطوط بھیجے گئے تاہم اب تک اس فیصلے پر عمل درآمد نہیں ہو سکا۔
ذرائع کے مطابق کراچی پولیس کی جانب سے بھی چینی باشندوں کی سکیورٹی کے لئے فورس جلد سے جلد بنانے کی سفارشات بھیجی جا چکی ہیں۔ ذرائع کے مطابق پنجاب، خیبر پختونخوا اور بلوچستان نے اس حوالے سے فورس بنا لی ہے، محکمہ داخلہ سندھ کے متعدد خطوط کے باوجود آئی جی سندھ غلام حیدر جمالی اب تک فورس کی تشکیل میں ناکام نظر آ رہے ہیں، کراچی سمیت سندھ کے دیگر شہروں میں چینی باشندے بڑی تعداد میں مختلف شعبوں میں کام سرانجام دے رہے ہیں جو اپنی سکیورٹی کے لئے اب تک پرائیویٹ سکیورٹی گارڈز استعمال کر رہے ہیں۔
جاوید شیخ نے اپنی فلم کیلئے بھارتی رائٹر کی خدمات حاصل کر لیں
12ربیع الاول پر 30 ہزار سے زائد پولیس افسران و اہلکار تعینات ہونگے
