اسلام آباد (اصل میڈیا ڈیسک) پاکستان میں عالمی وبا کورونا سے مزید 29 افراد انتقال کر گئے اور 2662 افراد میں کورونا کی تصدیق ہوئی ہے۔
پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 47307 ٹیسٹ کیے گئے جن میں سے 2662 افراد میں کورونا وائرس کی تصدیق ہوئی جب کہ وائرس سے 29 ہلاکتیں ہوئیں۔
سرکاری پورٹل کے مطابق ملک میں گزشتہ 24 گھنٹوں کے دوران کورونا کے مثبت کیسز کی شرح 5.63 فیصد رہی۔
سرکاری پورٹل کے مطابق ملک میں کورونا سے ہلاکتوں کی تعداد 29801 ہو گئی اور مجموعی کیسز 14 لاکھ 86 ہزار 361 تک جا پہنچے ہیں۔
اس کے علاوہ 24 گھنٹوں کے دوران ملک بھر میں 4293 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 13 لاکھ 79 ہزار 921 ہو گئی ہے۔
کے پی ضمنی بلدیاتی الیکشن: غیر حتمی نتائج میں جے یو آئی سب سے آگے
پی ٹی آئی کے عمر امین گنڈاپور ڈی آئی خان سٹی کونسل کے میئر منتخب
