اسلام آباد (اصل میڈیا ڈیسک) ملک میں کورونا سے مزید 47 افراد انتقال کر گئے جب کہ گزشتہ 24 گھنٹوں میں مثبت کیسز کی شرح 3.21 رہی۔
پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 40483 ٹیسٹ کیے گئے جن میں سے 1303 افراد میں کورونا وائرس کی تصدیق ہوئی جب کہ وائرس سے 47 ہلاکتیں ہوئیں۔
سرکاری پورٹل کے مطابق ملک میں گزشتہ 24 گھنٹوں کے دوران کورونا کے مثبت کیسز کی شرح 3.21 فیصد رہی۔
ملک میں کورونا سے اب تک مجموعی طور پر اموات کی تعداد 21576 ہو گئی اور کل کیسز کی تعداد 9 لاکھ 38 ہزار 737 ہوچکی ہے جب کہ اب تک وائرس سے 8 لاکھ 73 ہزار 543 افراد صحتیاب بھی ہوئے ہیں۔
خضدار میں مسافر کوچ حادثے کا شکار، 18 افراد جاں بحق
بجٹ 22-2021: کم سے کم تنخواہ 20 ہزار مقرر، تنخواہ اور پنشن میں 10 فیصد اضافہ
